ସମ୍ବଲପୁର: ଶିକ୍ଷକଙ୍କ ବଦଳିକୁ ଛାତ୍ରଛାତ୍ରୀଙ୍କ ବିରୋଧ । ପ୍ରତିବାଦରେ କ୍ଲାସ ବନ୍ଦ କଲେ ସ୍କୁଲର ଛାତ୍ରଛାତ୍ରୀ । ଏଭଳି ଘଟଣା ଘଟିଛି ସମ୍ବଲପୁର ମାନେଶ୍ୱର ବ୍ଲକ ନକ୍ସାପାଲି ଗାଁର ଉଚ୍ଚ ପ୍ରକଳ୍ପ ପ୍ରାଥମିକ ବିଦ୍ୟାଳୟରେ । ସ୍କୁଲର ପ୍ରଧାନଶିକ୍ଷକ ସୁଧୀର କୁମାର ସେଠଙ୍କ ଅନ୍ୟତ୍ର ବଦଳି ହୋଇଛି । ଏହାକୁ ବିରୋଧ କରି ସ୍କୁଲ ଯିବା ବନ୍ଦ କରିଦେଇଛନ୍ତି ସ୍କୁଲ୍ର ସମସ୍ତ ଛାତ୍ରଛାତ୍ରୀ । ଏହି ସ୍କୁଲରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୧୧୪ଜଣ ଛାତ୍ରଛାତ୍ରୀ ପାଠ ପଢନ୍ତି ।
ଶିକ୍ଷକଙ୍କ ବଦଳି ପରେ ସ୍କୁଲ କ୍ଲାସ ବନ୍ଦ କଲେ ଛାତ୍ରଛାତ୍ରୀଶିକ୍ଷକଙ୍କ ବଦଳି ପରେ ସ୍କୁଲ କ୍ଲାସ ବନ୍ଦ କଲେ ଛାତ୍ରଛାତ୍ରୀ ତେବେ ପ୍ରଧାନଶିକ୍ଷକଙ୍କ ଅନ୍ୟତ୍ର ବଦଳିକୁ ଛାତ୍ରଛାତ୍ରୀ ଗ୍ରହଣ କରିନାହାନ୍ତି ଓ ପ୍ରତିବାଦ ପୂର୍ବକତ ସ୍କୁଲ ଆସିବା ବନ୍ଦ କରିଦେଇଛନ୍ତି । ସୁଧୀର ସାରଙ୍କୁ ପୁଣି ସ୍କୁଲକୁ ଅଣାଯାଉ ନଚେତ ଆଉ ସ୍କୁଲ ଯିବୁନି ବୋଲି ଅଡି ବସିଛନ୍ତି ଛାତ୍ରଛାତ୍ରୀ । ଏହା ସହ ଗାଁ ଲୋକ ମଧ୍ୟ ଶିକ୍ଷକଙ୍କୁ ଫେରାଇ ଅଣାଯାଉ ବୋଲି ଦାବି କରିଛନ୍ତି । ସ୍କୁଲରେ ଶିକ୍ଷକତା କରୁଥିବା ସୁଧୀର ସେଠ ଏହି ଗାଁରେ ଛାତ୍ରଛାତ୍ରୀ ଓ ଗାଁ ଲୋକଙ୍କ ମଧ୍ୟରେ ଲୋକପ୍ରିୟ ଥିଲେ ।
ତେବେ ନିକଟରେ ତାଙ୍କର ପ୍ରମୋସନ ହେବା ସହ ଅନ୍ୟତ୍ର ବଦଳି ହୋଇଛି । ଏପଟେ କିନ୍ତୁ ସ୍କୁଲର ସମସ୍ତ ଛାତ୍ରଛାତ୍ରୀ ଓ ଗାଁ ଲୋକେ ସୁଧୀର ସାରଙ୍କୁ ଭୁଲି ପାରୁନାହାନ୍ତି । ଏଥିପାଇଁ ଛାତ୍ରଛାତ୍ରୀ ସୁଧୀର ସାର୍ଙ୍କୁ ପୁଣି ସ୍କୁଲକୁ ଫେରାଇ ଆଣିବାକୁ ଜିଦ୍ କରିବା ସହ ସ୍କୁଲ୍ ଯିବା ବନ୍ଦ କରିଛନ୍ତି ।
