ସମ୍ବଲପୁର:ଗତକାଲି (ଗୁରୁବାର) ସମ୍ବଲପୁର ରେଙ୍ଗାଲି ସ୍ଥିତ ଶ୍ୟାମ ଡିଆରଆଇ ସୁରକ୍ଷା କର୍ମୀଙ୍କ ଗୁଳିମାଡରେ ଜଣେ ଯୁବକ ମୃତ୍ୟୁକୁ ନେଇ ଆଜି ମୃତକଙ୍କ ପରିବାର ଲୋକଙ୍କ ପକ୍ଷରୁ ଶ୍ୟାମ ଡିଆରଆଇ କମ୍ପାନୀ ସମ୍ମୁଖରେ ଶାନ୍ତି ପୂର୍ଣ୍ଣ ପ୍ରତିବାଦ କରାଯାଇଛି। ତେବେ କେଉଁ ପରିସ୍ଥିତିରେ ଯୁବକ ଜଣକ କମ୍ପାନୀ ଭିତରକୁ ପଶିଥିଲେ ଓ କେଉଁ ପରିସ୍ଥିତିରେ ତାଙ୍କ ଉପରକୁ ଗୁଳି କରାଗଲା ତାହା ଏବେବି ବଡ ପ୍ରଶ୍ନ ହୋଇ ରହିଛି ।
ଶ୍ୟାମ ଡିଆରଆଇରେ ଗୁଳିକାଣ୍ଡ ଘଟଣା; 4 ଜଣଙ୍କୁ ଅଟକ ରଖି ପୋଲିସର ତଦନ୍ତ ଜାରି
ଘଟଣାକୁ ନେଇ ପୋଲିସ ତଦନ୍ତ ଜାରି ରଖିଥିବା କହିଛନ୍ତି ସମ୍ବଲପୁର ସଦର SDPO ପ୍ରଦୀପ କୁମାର ସାହୁ । କେଉଁ ପରିସ୍ଥିତିରେ ସୁରକ୍ଷା କର୍ମୀ ଗୁଳି ଚାଳନା କରିଥିଲା, ନା ଏହା ପଛରେ ଅନ୍ୟ କାରଣ ରହିଛି ସେନେଇ ମଧ୍ୟ ପୋଲିସ ତଦନ୍ତ କରୁଥିବା କହିଛନ୍ତି ଏସଡିପିଓ । ଏହି ଘଟଣାକୁ ନେଇ, ଗତକାଲି ପାଚେରୀ ଡେଇଁ ମୃତ ଅନୁରାଗଙ୍କ ସହ 4 ରୁ 5 ଜଣ ଚୋରୀ କରିବାକୁ ଚେଷ୍ଟା କରିବା ସହ ସୁରକ୍ଷା କର୍ମୀଙ୍କ ସହ ମାରପିଟ କରିବା ଫଳରେ ଗୁଳି ଚାଳନା ହୋଇଥିଲା ବୋଲି କମ୍ପାନୀ ପକ୍ଷରୁ ସଫେଇ ଦିଆଯାଇଛି।