NAC Election: କୁଚିଣ୍ଡା ଓ ରେଢ଼ାଖୋଲରେ ନିର୍ବାଚନ ପ୍ରକ୍ରିୟା ଆରମ୍ଭ

କୁଚିଣ୍ଡା ଓ ରେଢ଼ାଖୋଲ ଏନଏସିର ନିର୍ବାଚନ ପାଇଁ ଆରମ୍ଭ ହୋଇଛି ପ୍ରକ୍ରିୟା। ଏଥିପାଇଁ ସମ୍ବଲପୁର ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଚୂଡାନ୍ତ ହୋଇଛି। କୁଚିଣ୍ଡା ଉପଖଣ୍ଡରେ 11 ଟି ୱାର୍ଡ ଥିବା ବେଳେ ରେଢ଼ାଖୋଲରେ 13 ଟି ୱାର୍ଡ ରହିଛି। ଅଧିକ ପଢନ୍ତୁ

ସମ୍ବଲପୁର : ଜିଲ୍ଲାରେ ଥିବା କୁଚିଣ୍ଡା ଓ ରେଢ଼ାଖୋଲ ଏନଏସିର ନିର୍ବାଚନ ପାଇଁ ଆରମ୍ଭ ହୋଇଛି ପ୍ରକ୍ରିୟା। ଏଥିପାଇଁ ସମ୍ବଲପୁର ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଚୂଡାନ୍ତ ହୋଇଛି। କୁଚିଣ୍ଡା ଉପଖଣ୍ଡରେ 11 ଟି ୱାର୍ଡ ଥିବାବେଳେ ରେଢ଼ାଖୋଲରେ 13ଟି ୱାର୍ଡ ରହିଛି ।

ଉଭୟ ଏନଏସି(NAC)ରେ ଗତଥର ବିଜେଡି ବିଜୟୀ ହୋଇଥିଲା। କୁଚିଣ୍ଡାରେ ଗତଥର 11ଟି ସିଟରୁ ବିଜେଡି 6 ଟି,ବିଜେପି 3 ଓ କଂଗ୍ରେସ 2ଟି ସିଟ ପାଇଥିଲେ। ଅନ୍ୟପଟେ ରେଢ଼ାଖୋଲରେ ଗତଥର 13ଟି ୱାର୍ଡରୁ ବିଜେଡି 12ଟି ସିଟ ନେଇଥିବାବେଳେ ବିଜେପି ଗୋଟିଏ ସିଟ ନେଇଥିଲା ।

ଚଳିତ ଏନଏସି ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଛି। ମାର୍ଚ୍ଚ 2 ରୁ 7 ତାରିଖ ପର୍ଯ୍ୟନ୍ତ ପୂର୍ବାହ୍ନ 11ଟାରୁ ଅପରାହ୍ନ 3 ଟା ଯାଏଁ ଆଶାୟୀ ପ୍ରାର୍ଥୀ ନାମାଙ୍କନ ପତ୍ର ଆଣି ଏନଏସି କାର୍ଯ୍ୟାଳୟରେ ଦାଖଲ କରିପାରିବେ। ମାର୍ଚ୍ଚ 9ରେ ପ୍ରାର୍ଥୀ ପତ୍ର ଯାଞ୍ଚ ହେବାକୁ ଥିବା ବେଳେ 14 ତାରିଖରେ ଅପରାହ୍ନ 3 ଟା ପୂର୍ବରୁ ପ୍ରାର୍ଥୀ ପତ୍ର ପ୍ରତ୍ୟାହାର କରିହେବ। ଆସନ୍ତା 24 ତାରିଖ ସକାଳ 8 ରୁ ସନ୍ଧ୍ୟା 5 ଟା ଯାଏଁ ମତଦାନ ହେବ । ଏହାସହ 26 ତାରିଖରେ ସକାଳ 8 ଟାରୁ ଭୋଟ ଗଣତି ଆରମ୍ଭ ହେବ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ