ସମ୍ବଲପୁର: 3 ଦିନ ପରେ ସମ୍ବଲପୁର ମହାନଦୀରେ ବୁଡି ନିଖୋଜ ନାବାଳିକା ପିଙ୍କି ବିଶ୍ବକର୍ମାଙ୍କ ମୃତଦେହ ଉଦ୍ଧାର କରିଛି ଓଡ୍ରାଫ ଟିମ । ତିନି ଦିନର ସର୍ଚ୍ଚ ଅପରେସନ ପରେ ଆଜି ଦ୍ଵିତୀୟ ମହାନଦୀ ସେତୁର ବିନାଖଣ୍ଡି ଅଞ୍ଚଳରୁ ମହାନଦୀ ଗର୍ଭରୁ ନିଖୋଜ ପିଙ୍କିଙ୍କ ମୃତଦେହ ଠାବ କରାଯାଇଛି ।
ଭିଡିଓ ସୌଜନ୍ୟ : ସମ୍ବାଦଦାତା, ସମ୍ବଲପୁର
ସୂଚନା ଯୋଗ୍ୟ ଯେ ଗତ 6 ତାରିଖ ରବିବାର ପ୍ରାୟ ଦିନ 11 ଟା ସମୟରେ ସମ୍ବଲପୁର ବଡବଜାର ସଡକ ଘାଟରେ ମହାନଦୀରେ ଗାଧୋଇବାକୁ ଯାଇଥିବା ବେଳେ 6 ଜଣ ନାବାଳିକା ପାଣିରେ ଭାସିଯାଇଥିଲେ । ସେହିଦିନ ସେମାନଙ୍କ ମଧ୍ୟରୁ 5 ଜଣଙ୍କୁ ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ ଉଦ୍ଧାର କରିଥିବା ବେଳେ ପିଙ୍କି ନିଖୋଜ ହୋଇଯାଇଥିଲେ । ସେହିଦିନ ଠାରୁ ଓଡ୍ରାଫ ଓ ଅଗ୍ନିଶମ ବିଭାଗର ସର୍ଚ୍ଚ ଅପରେସନ ଜାରି ରଖିଥିଲା ।