ସମ୍ବଲପୁର : ଜମି ବିବାଦକୁ ନେଇ ଗଣ୍ଡଗୋଳ । ୨ ପରିବାର ମଧ୍ୟରେ ଲାଗିଥିବା ଏ ଗଣ୍ତଗୋଳ ଉଗ୍ର ରୂପ ନେଇଛି । ମାରପିଟ ଘଟଣାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଗୋଟିଏ ପରିବାରର ଲୋକେ ସମ୍ବଲପୁର ଡିଆଇଜିଙ୍କ ଦ୍ୱାରସ୍ଥ ହୋଇଥିବା ବେଳେ ଅନ୍ୟ ପରିବାର ସ୍ଥାନୀୟ ଲୋକଙ୍କ ସହ ଏସପିଙ୍କୁ ଭେଟି ସ୍ମାରକ ପତ୍ର ଦେଇ ନ୍ୟାୟ ମାଗିଛନ୍ତି ।
ଜମି ବିବାଦକୁ କେନ୍ଦ୍ର କରି ମଝି ରାସ୍ତାରେ ମାଡପିଟ: ଭିଡିଓ ଭାଇରାଲ
ସମ୍ବଲପୁର ଟାଉନ ଥାନା ଅନ୍ତର୍ଗତ ବୈଦ୍ୟନାଥ ଛକ ଅଞ୍ଚଳର ଓମ ପ୍ରକାଶ ଅଗ୍ରୱାଲ ସ୍ଥାନୀୟ ଲୋକଙ୍କ ସହ ମିଶି ସମ୍ବଲପୁର ଏସପିଙ୍କ ଦ୍ୱାରସ୍ଥ ହୋଇଛନ୍ତି। ସେ ଅଭିଯୋଗ କରିଛନ୍ତି ଯେ ସ୍ଥାନୀୟ ଅଞ୍ଚଳର କୈଳାସ ଅଗ୍ରୱାଲ ଓ ତାଙ୍କ ପରିବାର ଲୋକେ ବାରମ୍ବାର ଏହି ଅଞ୍ଚଳରେ ଦାଦାଗିରି କରୁଛନ୍ତି । ହୋଇଥିବା ଅଭିଯୋଗ ଅନୁସାରେ ଓମ ପ୍ରକାଶ ଅଗ୍ରୱାଲ କୈଳାସ ଅଗ୍ରୱାଲଙ୍କ ଘର ପାର୍ଶ୍ଵରେ ଥିବା ଏକ ଜମି କିଣିଥିବାବେଳେ ଏହି ଜମିକୁ ସେ ଦଖଲ କରିବାକୁ ଯିବା ସମୟରେ କୈଳାସ ଅଗ୍ରୱାଲ ତାଙ୍କ ସହ ଓ ଜମି ବିକ୍ରି କରିଥିବା ଲୋକଙ୍କ ସହ ମାରପିଟ କରିଛନ୍ତି । ଏହି ଘଟଣାର ଭିଡିଓ ଭାଇରାଲ ମଧ୍ୟ ହୋଇଛି ।