ସମ୍ବଲପୁର: ଆଜି ହେଉଛି ନୂଆବର୍ଷର ପ୍ରଥମ ଦିବସ । ବର୍ଷ 2019କୁ ବିଦାୟ ଦେଇ ସମସ୍ତେ ନୂଆବର୍ଷ 2020କୁ ସ୍ବାଗତ କରିଛନ୍ତି । ଆଉ ଏହି ଅବସରରେ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା ସମଲେଶ୍ବରୀଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼ ଜମିଥିଲା । ମା' ସମଲେଶ୍ବରୀଙ୍କ ଆଶିଷ ନେଇ ନୂଆ ବର୍ଷର ଶୁଭାରମ୍ଭ କରିବା ସହ ବର୍ଷ ତମାମ ଯେପରି ପରିବାରର ସମସ୍ତେ ସୁଖ ଶାନ୍ତିରେ ରହିବେ ଏହି କାମନା ନେଇ ଆଜି ସମସ୍ତେ ସମଲେଶ୍ବରୀଙ୍କ ଆଗରେ ପ୍ରାର୍ଥନା କରିଛନ୍ତି ।
ନୂଆବର୍ଷରେ ମା' ସମଲେଇଙ୍କୁ ଦର୍ଶନ କଲେ ଶ୍ରଦ୍ଧାଳୁ
ନୂଆବର୍ଷ ଅବସରରେ ମା ସମଲେଶ୍ବରୀଙ୍କ ପୀଠରେ ଶ୍ରଦ୍ଧାଳୁଙ୍କ ପ୍ରବଳ ଗହଳି ଦେଖିବାକୁ ମିଳିଛି । ଆଜି ସକାଳୁ ମାଆଙ୍କ ପୀଠରେ ଲମ୍ବା ଧାଡି ଦେଖିବାକୁ ମିଳିଛି । ସମସ୍ତେ ଶ୍ରଦ୍ଧା ଓ ହାତରେ ପୂଜା ସାମଗ୍ରୀ ଧରି ମାଆଙ୍କ ଟିକେ ଦର୍ଶନ ପାଇଁ ଛିଡ଼ା ହୋଇଥିବା ଦେଖିବାକୁ ମିଳିଛି ।