ସମ୍ବଲପୁର: ଜିଲ୍ଲାର ଅନ୍ୟତମ ପ୍ରମୁଖ ଶୀତଳଷଷ୍ଠୀ ଯାତ୍ରା କମିଟି କୁହାଯାଉଥିବା ମୁଦୀପଡାର ଜାଗେଶ୍ୱର ବାବାଙ୍କ ବିବାହ ସମ୍ପନ୍ନ । ସାମାଜିକ ଦୂରତ୍ୱ ରଖି ମନ୍ଦିର ଭିତରେ ଅତି ନିରାଡ଼ମ୍ବର ଭାବେ ସମ୍ପନ୍ନ ହୋଇଛି ଦେବ ଦମ୍ପତିଙ୍କ ବିବାହ ।
ବୁଧବାର ରାତି ପ୍ରାୟ 11ଟା ସମୟରେ ବାବା ଜାଗେଶ୍ୱରଙ୍କ ମହାଆଲତି ହୋଇଥିଲା। ଏହା ପରେ ବରଯାତ୍ରୀ ଶୋଭାଯାତ୍ରା ବାହାରିବାର ପରମ୍ପରା ଥିଲେ ମଧ୍ୟ ଲକ ଡାଉନ କଟକଣା ଯୋଗୁଁ ଏଥର ଶୋଭାଯାତ୍ରା ବାହାରି ନାହିଁ । ରାତି 3ଟାରୁ ସକାଳ 6ଟା ମଧ୍ୟରେ ଜାଗେଶ୍ୱର ବାବା ଓ ମାତା ପାର୍ବତୀଙ୍କ ବିବାହ ସମ୍ପନ୍ନ ହୋଇଛି । ଶୁକ୍ରବାର ମନ୍ଦିର ଭିତରେ ଯୁଗଳ ଦର୍ଶନ ପାଇଁ ନୀତି ନିୟମ ଅନୁଯାୟୀ ବ୍ୟବସ୍ଥା କରାଯିବ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
