ସମ୍ବଲପୁର: ଟିକେଟକୁ ନେଇ ବିଜେପିରେ ବଢୁଛି ବିଦ୍ରୋହ । ନିକଟରେ ବରଗଡର ଟାଣୁଆ ନେତା ସୁବାଷ ଚୌହାନ ଏନେଇ ଦଳ ଛାଡିଥିବା ବେଳେ ରେଢାଖୋଲ ବିଜେପିରେ ମଧ୍ୟ ଏବେ ଦେଖାଦେଇଛି ଅସନ୍ତୋଷ । ବିଜେପି ପ୍ରାର୍ଥୀ ଦେବେନ୍ଦ୍ର ମହାପାତ୍ରଙ୍କୁ ବିରୋଧ କରୁଛନ୍ତି ବହୁ ବିଜେପି କର୍ମୀ । ଏହାର ପୁନଃବିଚାର ପାଇଁ ଦାବି କରିଛନ୍ତି ଏମାନେ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଗୁରୁବାର ରେଢାଖୋଲ ନିର୍ବାଚନମଣ୍ଡଳୀର ବିଜେପି କାର୍ଯ୍ୟକର୍ତ୍ତା ଦଳୀୟ କାର୍ଯ୍ୟାଳୟକୁ ଆସି ନିଜର ଅସନ୍ତୋଷ ବ୍ୟକ୍ତ କରିଛନ୍ତି । ରେଢ଼ାଖୋଲ ପାଇଁ ପ୍ରାର୍ଥୀତ୍ୱର ପୁନର୍ବିଚାର କରିବାକୁ ଦାବି ହୋଇଛି । ଦଳର ପୁରୁଣା ନେତାଙ୍କ ପ୍ରତି ଅବହେଳା ହୋଇଥିବା କହିଛନ୍ତି 4 ବ୍ଲକର ବହୁ କର୍ମୀ ।