ସମ୍ବଲପୁର : ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆଜି ସିପିଆଇ ଓ ପଶ୍ଚିମ ଓଡିଶା ବିଦ୍ୟୁତ ଉପଭୋକ୍ତା ସଂଘ ପକ୍ଷରୁ ୧୮ ଦଫା ଦାବି ନେଇ ବିକ୍ଷୋଭ ପ୍ରଦର୍ଶନ କରାଯାଇଛି । ସିପିଆଇ ନେତା ନଟୁ ଗୋପାଳଙ୍କ ନେତୃତ୍ୱରେ ଏହି ବିକ୍ଷୋଭ ପ୍ରଦର୍ଶନ ହୋଇଥିଲା ।
ମୁଖ୍ୟତଃ TPWODL ଦ୍ୱାରା ବକେୟା ବିଦ୍ୟୁତ ବିଲ ଆଦାୟ ସମୟରେ ହେଉଥିବା ଜୁଲମ, TPWODL ସଂସ୍ଥା ଦ୍ୱାରା ଠିକା ଶ୍ରମିକଙ୍କ ଛଟେଇ, ଠିକା କାର୍ଯ୍ୟରେ ବାହାରିଆ ଠିକାଦାରଙ୍କୁ ପ୍ରାଥମିକତା ଦେବା ଆଦି ପ୍ରମୁଖ ଦାବି ସହ ୧୮ ଦଫା ଦାବି ନେଇ ଜିଲ୍ଲା ପ୍ରଶାସନକୁ ଏକ ଦାବିପତ୍ର ପ୍ରଦାନ କରାଯାଇଛି । ଏହି ସବୁ ଦାବି ଉପରେ ଜିଲ୍ଲା ପ୍ରଶାସନ ହସ୍ତକ୍ଷେପ ନକଲେ ଆଗାମୀ ଦିନରେ ଆନ୍ଦୋଳନ ହେବ ବୋଲି ଚେତାବନୀ ଦିଆଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ