ଭୁବନେଶ୍ବର: ମନ୍ତ୍ରୀଙ୍କ ଦୋମୁହାଁ ନୀତି ଓ କମ ସେବାର ଅଧିକ ଟିକସ ନେବା ପ୍ରତିବାଦରେ ଭାରତୀୟ ଜନତା ପାର୍ଟି ବୁଧବାର ରାଜରାସ୍ତାକୁ ଓହ୍ଲାଇଛି । ସରକାରଙ୍କ ଏଠି ମନମାନି ଚାଲିଛି । ସହରାଞ୍ଚଳ ଓ ଗ୍ରାମାଞ୍ଚଳରେ ନିର୍ବାଚନର ସଠିକ ସମୟ ହୋଇ ସାରିଥିଲେ ମଧ୍ୟ ସରକାର ଏଥି ପ୍ରତି ଧ୍ୟାନ ଦେଉନାହାଁନ୍ତି । ଗଣତନ୍ତ୍ର ବ୍ୟବସ୍ଥାକୁ ସମ୍ମାନ ଜଣାଇ ତୁରନ୍ତ ନିର୍ବାଚନ କରିବାର ଆବଶ୍ୟକତା ରହିଛି ବୋଲି ଦୃଢ଼ ଯୁକ୍ତି ବାଢ଼ିଛନ୍ତି ବିଜେପି ମୁଖପାତ୍ର ଦିଲୀପ ମହାନ୍ତି ।
ସରକାରଙ୍କ ଏଠି ମନମାନି ଚାଲିଛି
ଦିନକୁ ଦିନ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଉଛି । ଯାହାକି ଖାଉଟିଙ୍କ ଉପରେ ବୋଝ ହେଉଛି । ରାଜ୍ୟ ସରକାର ପ୍ରତି 100 ଟଙ୍କାରେ 36 ଟଙ୍କା ନେଉଛନ୍ତି ଟିକସ ଭାଟ ଆଗରେ । ରାଜ୍ୟ ସରକାର ଚାହିଁଲେ ନିଜ ରାଜ୍ୟ ପାଇଁ ନେଉଥିବା ଟିକସକୁ କମ କରିପାରନ୍ତେ । କିନ୍ତୁ ରାଜ୍ୟ ସରକାର ନିଜର ରାଜକୋଷକୁ ପୂର୍ଣ୍ଣ କରିବା ପାଇଁ ଟିକସ ନେଉଛନ୍ତି ।