ସମ୍ବଲପୁର: ଅଯୋଧ୍ୟାରେ ଶ୍ରୀରାମ ମନ୍ଦିର ନିର୍ମାଣ ପାଇଁ ଦେଶବ୍ୟାପୀ ସମସ୍ତଙ୍କ ସହଯୋଗ ଛୁଟୁଛି । ଛୋଟ ବଡ ସମସ୍ତେ ନିଜ ସାମର୍ଥ୍ୟ ମୁତାବକ ଭଗବାନ ନିକଟରେ ସମର୍ପି ଦେଉଛନ୍ତି । ଆଉ ଏହା ଭିତରେ ରାମ ସେତୁର ଗୁଣ୍ଡୁଚି ମୂଷା ସାଜିଛନ୍ତି ସମ୍ବଲପୁରର ଜଣେ ଭିକ୍ଷୁକ ମାଉସୀ । ମର୍ଯ୍ୟାଦା ପୁରୁଷ ଶ୍ରୀରାମ ମନ୍ଦିର ନିର୍ମାଣ ଲାଗି ନିଜ ଆୟର 50 ଟଙ୍କା ନିଧି ସଂଗ୍ରହ ଅଭିଯାନ ପାଣ୍ଠିକୁ ଦେଇଛନ୍ତି । ରାମ ସେତୁ ନିର୍ମାଣ ସମୟରେ ଛୋଟିଆ ଗୁଣ୍ଡୁଚି ମୂଷା ଯେମତିି ନିଜ ବଳ ଅନୁସାରେ ପଥର ଖଞ୍ଜିବାରେ ସହଯୋଗ କରିଥିଲା, ଆଜି ଠିକ ସେମିତି ରାମଙ୍କର ଭାବ୍ୟ ମନ୍ଦିର ପାଇଁ ଆର୍ଥିକ ସହଯୋଗ ଦେଇଛନ୍ତି ଭିକ୍ଷୁକ ମାଉସୀ ଉର୍ବଣୀ କୁମ୍ଭାର ।
ଭବ୍ୟ ରାମମନ୍ଦିର ନିର୍ମାଣରେ ଗୁଣ୍ଡୁଚି ମୂଷା ସାଜିଲେ ଭିକ୍ଷୁକ ଉର୍ବଶୀ ମାଉସୀ ଆଜିଠୁ ସମ୍ବଲପୁରରେ ଆରମ୍ଭ ହୋଇଛି ଶ୍ରୀରାମ ମନ୍ଦିର ପାଇଁ ନିଧି ସଂଗ୍ରହ ଅଭିଯାନ। ଏହି ଅଭିଯାନ ରେ ହଜାର ହଜାର ରାମ ଭକ୍ତ ଶ୍ରଦ୍ଧାଳୁ ସାମିଲ ହୋଇ ଲକ୍ଷ ଲକ୍ଷ ଟଙ୍କା ପାଣ୍ଠି ଦାନ କରିଛନ୍ତି । ସମ୍ବଲପୁରର ବୃକସିଲ ସ୍ଥିତି ରାମ ମନ୍ଦିରର ସମ୍ମୁଖରେ ଭିକ୍ଷାବୃତ୍ତି ଉର୍ବଶୀ ମାଉସୀ ଧାଇଁ ଆସିଥିଲେ ନିଜର ସହଯୋଗ ବଢାଇବାକୁ । ସେ କୁହନ୍ତି ‘‘ ମୁଁ ମନ୍ଦିର ସାମ୍ନାରେ ବସି ଭିକ୍ଷା ମାଗି ପରିବାର ଚଳାଉଛି । ସେମାନଙ୍କ ଭରଷପୋଷଣ କରିପାରିଛି । ମନ୍ଦିର ହେଉଥିବା ଶୁଣି ମୋ ଆତ୍ମା କହିଥିଲା ସହଯୋଗ କରିବାକୁ ।’’ ମନ୍ଦିର ନିର୍ମାଣରେ ନିଜର 50 ଟଙ୍କା ଦେଇ ବେଶ ଖୁସି ଅନୁଭବ କରୁଥିବା କହିଛନ୍ତି । ସେପଟେ, ଅଭାବ ଅନଟନରେ ମଧ୍ୟ ଏହି ଗରିବ ମହିଳାଙ୍କ ଏହି ଶ୍ରଦ୍ଧା ଅନେକ ଲୋକଙ୍କୁ ପ୍ରେରଣା ଦାୟୀ ଅଟେ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
