ସମ୍ବଲପୁର: କୁଖ୍ୟାତ ଅପରାଧି ହାଇଦର ଫେରାର ଘଟଣାରେ 6 ପୋଲିସ କର୍ମଚାରୀ ନିଲମ୍ବିତ । ବିଭାଗୀୟ ତଦନ୍ତ ପରେ ହାଇଦର ସୁରକ୍ଷାରେ ଥିବା 5 ଜଣ ପୋଲିସ କନଷ୍ଟେବଳ ସମେତ ଜଣେ ହାବିଲଦାରଙ୍କୁ ନିଲମ୍ବିତ କରାଯାଇଛି। ଏନେଇ ସମ୍ବଲପୁର ଏସପି ବତୁଲା ଗଙ୍ଗାଧର ସୂଚନା ଦେଇଛନ୍ତି । ନିଲମ୍ବିତ 5 ଜଣ ପୋଲିସ କନଷ୍ଟେବଳ ହେଲେ ସୁଧାଂଶୁ ମାଝୀ, ଉମାକାନ୍ତ ବେହେରା, ମହମ୍ମଦ ମୋଉସିମ, ଦୀପକ ସାହୁ ଓ ବୁଲବୁଲ ସାହୁ ଓ ହାବିଲଦାର ରମେଶଚନ୍ଦ୍ର ଦେହୁରୀ । ବର୍ତ୍ତମାନ ବିଭାଗୀୟ ତଦନ୍ତ ଆରମ୍ଭ ହୋଇଥିବା ଏସପି ସୂଚନା ଦେଇଛନ୍ତି ।
ଅନ୍ୟପଟେ, ହାଇଦରକୁ ଧରିବାକୁ ଡିଜିଙ୍କ କ୍ୟାମ୍ପ ଅଫିସରେ ଗୁରୁତ୍ବପୂର୍ଣ୍ଣ ବୈଠକ ବସିଛି । ଏହି ବୈଠକରେ ପୋଲିସ କମିଶନରଙ୍କ ସହ ଏଡିଜିଲ ଆଣ୍ଡ ଅର୍ଡର ଓ ଡିଆଇଜି ସେଣ୍ଟ୍ରାଲ ଉପସ୍ଥିତ ରହିଛିନ୍ତି । ବୈଠକରେ ଫେରାର ହାଇଦରକୁ କାବୁ କରିବାକୁ କ୍ରାଇମବ୍ରାଞ୍ଚ ଏଡିଜି ସୂଚନା ଦେଇଛନ୍ତି । ସବୁ ସୀମାନ୍ତବର୍ତ୍ତୀ ଅଞ୍ଚଳ ଉପରେ ନଜର ରଖାଯାଇଛି । ସବୁ ଜିଲ୍ଲାର ଏସପିଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି ବୋଲି ସୂଚନା ଦେଇଛନ୍ତି ପୋଲିସ ଡିଜି ।