ରାଉରକେଲା:ଧାନ ବିଲରୁ ମହିଳାଙ୍କ ମୃତଦେହ ଉଦ୍ଧାର। ମୃତ ମହିଳା ଜଣକ ହେଲେ ଫୁଲିତ ମନୀ କେର୍କେଟା(୬୦)। ସେ ରାଜଗାଙ୍ଗପୁର ଥାନା ଅନ୍ତର୍ଗତ ଛାତାମ ପଞ୍ଚାୟତର ଢ଼ିପାଟୋଲିର।
ଧାନ ବିଲରୁ ମହିଳାଙ୍କ ମୃତଦେହ ଉଦ୍ଧାର,ହତ୍ୟା ସନ୍ଦେହ
ସୂଚନା ଅନୁଯାୟୀ ଛାତାମ ପଞ୍ଚାୟତର ଧିପଟୋଲିରେ ଇଲାରୁସ କେର୍କେଟା(୬୫) ଏବଂ ଫୁଲିତ ମନୀ କେର୍କେଟା(୬୦) ବସବାସ କରନ୍ତି। ଗତ ବୁଧୁବାର ଠାରୁ ସ୍ବାମୀ ଇଲାରୁସ କେର୍କେଟା କୌଣସି କାର୍ଯ୍ୟବଶତଃ ସୁନ୍ଦରଗଡ଼ ଯାଇଥିବା ବେଳେ ସ୍ତ୍ରୀ ଫୁଲିତ ମନୀ ଏକୁଟିଆ ଘରେ ଥିଲା ।
ଗତକାଲି ଇଲାରୁସ ଫେରିବା ପରେ ଘରେ ସ୍ତ୍ରୀ ନଥିବା ବେଳେ ବାହାରୁ ତାଲା ପଡିଥିଲା। ବହୁତ ଖୋଜା ଖୋଜି ପରେ ଆଜି ସେ ସ୍ତ୍ରୀ ଫୁଲିତକୁ ନିଜ ଧାନ ବିଲ ଭିତରେ ମରି ପଡିଥିବାର ଦେଖିବାକୁ ପାଇଥିଲେ ।