ରାଉରକେଲା: ଟିଡି ଟୀକା ନେଇ ଛାତ୍ରର ମୃତ୍ୟୁ ଅଭିଯୋଗ ଆସିବା ପରେ ରାଉରକେଲା ସମେତ ସୁନ୍ଦରଗଡ ଜିଲ୍ଲାରେ ଟିଡି ଟିକାକରଣ ଅଭିଯାନକୁ ବନ୍ଦ କରାଯାଇଛି । ମୃତ ଛାତ୍ର କଲ୍ୟାଣି ରାଏ କଲୋନୀର ସୁମନଜିତ୍ ପ୍ରଧାନ । ଗତକାଲି ରାଉରକେଲା ଆଇଜିଏଚ୍ରେ ଉକ୍ତ ଛାତ୍ରର ମୃତ୍ୟୁ ହୋଇଛି ।
ଭିଡିଓ ସୌଜନ୍ୟ :ସମ୍ବାଦଦାତା, ରାଉରକେଲା
ସୂଚନାନୁସାରେ, ସୁମନଜିତ୍ ରାଉରକେଲା ସେକ୍ଟର 6 ସ୍ଥିତ ମହିମା ବିଦ୍ୟାମନ୍ଦିରର ପଞ୍ଚମ ଶ୍ରେଣୀର ଛାତ୍ର । ଗତକାଲି ଅଙ୍ଗନବାଡି ପକ୍ଷରୁ ସ୍କୁଲରେ ଟିଡି ଟୀକା ଦିଆଯାଇଥିଲା । ସୁମନଜିତ୍ ମଧ୍ୟ ଏହି ଟୀକା ନେଇଥିଲା । ମାତ୍ର ଟୀକା ନେଇ ଘରକୁ ଯିବା ପରେ ତା ଅବସ୍ଥା ଗୁରୁତର ହୋଇଥିଲା । ଚିକିତ୍ସା ପାଇଁ ତାକୁ ଆଇଜିଏଚ୍ରେ ଭର୍ତ୍ତି କରାଯାଇଥିବାବେଳେ ସେଠାରେ ତାର ମୃତ୍ୟୁ ଘଟିଥିଲା । ସେ ଟୀକା ନେବା ପରେ ତାଙ୍କ ପୁଅର ମୃତ୍ୟୁ ହୋଇଛି ବୋଲି ସୁକାନ୍ତ ପ୍ରଧାନ ଅଭିଯୋଗ କରିଥିଲେ । ଏହା ପରେ ସହରରେ ଟୀକାକରଣ ଅଭିଯାନକୁ ବନ୍ଦ କରିବାକୁ ନିଶ୍ପତ୍ତି ହୋଇଥିଲା ।