ପ୍ରକାଶ ପାଇଲା ଅଯୋଧ୍ୟା ରାୟ: ରାଉରକେଲାରେ ସୁରକ୍ଷା ବ୍ୟବସ୍ଥା କଡାକଡି଼

ଅଯୋଧ୍ୟା ମାମଲାର ରାୟ ପ୍ରକାଶ ନେଇ ରାଉରକେଲାରେ ସୁରକ୍ଷା ବ୍ୟବସ୍ଥା କଡାକଡି । ଉଭୟ ହିନ୍ଦୁ ଓ ମୁସଲମାନ ସମ୍ପ୍ରଦାୟର ଲୋକଙ୍କୁ ନେଇ ପୋଲିସର ବୈଠକ । ଅଧିକ ପଢ଼ନ୍ତୁ...

ରାଉରକେଲା: ପ୍ରକାଶ ପାଇଛି ଅଯୋଧ୍ୟା ଜମି ବିବାଦର ଐତିହାସିକ ରାୟ । ଏନେଇ ଶନିବାର ରାଉରକେଲା ସହରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା। ବିଭିନ୍ନ ଧାର୍ମିକ ସ୍ଥାନରେ ପୋଲିସ ଫୋର୍ସ ମୁତୟନ କରାଯାଇଛି ।

ପ୍ଲାଣ୍ଟ ସାଇଟ ଥାନାରେ ପୋଲିସ ହିନ୍ଦୁ ସମ୍ପ୍ରଦାୟ ତଥା ମୁସଲମାନ ସମ୍ପ୍ରଦାୟ ପ୍ରମୁଖ ବ୍ୟକ୍ତିଙ୍କୁ ନେଇ ଥାନାରେ ବୈଠକ କରାଯାଇଥିଲା। ସବୁ ପକ୍ଷ କୋର୍ଟର ନିର୍ଦ୍ଦେଶକୁ ପାଳନ କରିବେ ବୋଲି କହିଥିଲେ । ସେହିଭଳି କୋର୍ଟର ଆଦେଶକୁ ସମ୍ମାନ ଦେବା ସହ ଶାନ୍ତି, ସଦଭାବନା ଓ ଏକତା ବଜାୟ ରଖିବା ଉପରେ ଗୁରୁତ୍ବ ଦିଆ ଯାଇଥିଲା। ତେବେ ବୈଠକରେ ପୋଲିସକୁ ସବୁ ପ୍ରକାର ସହଯୋଗ କରିବେ ବୋଲି ପ୍ରତିଶୃତି ଦେଇଥିଲେ ଲୋକେ । ତେବେ ରାୟ ପ୍ରକାଶ ପାଇବା ପରେ ସହରରେ ଶାନ୍ତି ଶୃଙ୍ଖଳା ବଜାୟ ରହିଥିଲା।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ