ସୁନ୍ଦରଗଡ: ଜିଲ୍ଲା ଟାଙ୍ଗରପାଲି ଥାନା ଅଞ୍ଚଳରେ ଜଣେ ବ୍ୟକ୍ତିଙ୍କୁ ଲଣ୍ଡା କରି ଚପଲରେ ମାଡ ମାରିବା ଓ ଖରାପ ଭାଷାରେ ଗାଳିଗୁଲଜ କରିଥିବା ଘଟଣାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏହା ଏକ ସାମାଜିକ ଅପରାଧ । ପୋଲିସ ଏ ନେଇ ଥାନାରେ ଏକ ମାମଲା ରୁଜୁ କରି ତିନି ଜଣଙ୍କୁ ଅଟକ ରଖିଛି ।
ବ୍ୟକ୍ତିଙ୍କୁ ଲଣ୍ଡା କରିବା ସହିତ ଚପଲରେ ମାଡ ମାରିବା ଘଟଣା, ୩ ଅଟକ
ସୂଚନାଅନୁସାରେ, ଟାଙ୍ଗରିପାଲ ଥାନା ଅଞ୍ଚଳରେ ଜଣ ବ୍ୟକ୍ତିଙ୍କୁ ଚୋର କହି କିଛି ଲୋକ ତାଙ୍କୁ ଲଣ୍ଡା କରିଥିଲେ । ଖାଲି ସେତିକି ନୁହେଁ ତାଙ୍କୁ ଚପଲରେ ମାଡ ମଧ୍ୟ ମାରିବା ସହିତ ଖରାପ ଭାଷାରେ ଗାଳିଗୁଲଜ କରିଥିଲେ । ଯାହାର ଭିଡିଓ ଭାଇରାଲ ହୋଇଥିଲା । କିଛି ଲୋକ ଏପରି କରି ଆଇନକୁ ହାତକୁ ନେଇଛନ୍ତି । ଏହା ଏକ ସାମାଜିକ ଅପରାଧ ବୋଲି କହିଛନ୍ତି ରାଉରକେଲା ଏସପି ମୁକେଶ କୁମାର ଭାମୋ।