ରାଉରକେଲା: ରାଉରକେଲା ଆରଟିଓ ଅଫିସରେ ମଙ୍ଗଳବାର ଦିନ ରାଉରକେଲା ପୋଲିସ ପକ୍ଷରୁ ଚଢାଉ କରାଯାଇଛି । 13 ଜଣ ଦଲାଲଙ୍କୁ ଅଟକ ରଖାଯିବା ସହ ରେଜିଷ୍ଟ୍ରେସନ ସମ୍ବନ୍ଧିତ ବହୁ ଗୁରୁତ୍ୱପୂର୍ଣ୍ଣ କାଗଜ ପତ୍ର ଜବତ କରାଯାଇଛି । ତେବେ ଅତିରିକ୍ତ ଏସପିଙ୍କ ନେତୃତ୍ୟରେ ଏହି ଚଢାଉ ହୋଇଥିଲା ।
ରାଉରକେଲା ଆରଟିଓ ଅଫିସରେ ବହୁଦିନ ଧରି ଦଲାଲମାନେ ବେଆଇନ ଭାବେ ଗ୍ରାହକଙ୍କ ଗାଡି କାଗଜପତ୍ର କରାଇ ଅର୍ଥ ନେଉଥିବା ଅଭିଯୋଗ ହୋଇଥଲା । ଏହି କାର୍ଯ୍ୟାଳୟରେ ଦଲାଲମାନଙ୍କୁ ନଧରିଲେ କିଛି କାମ ହେଉ ନଥିଲା ବୋଲି ସ୍ଥାନୀୟ ଲୋକ ଅଭିଯୋଗ ମଧ୍ୟ କରିଥିଲେ । ଏପରିକି ଏହି ଦଲାଲ ମାନେ ଆରଟିଓ କାର୍ଯ୍ୟାଳୟର କର୍ମଚାରୀଙ୍କୁ ମଧ୍ୟ ଧମକ ଚମକ ଦେବା ଅଭିଯୋଗ ହୋଇଥିଲା । ଏହି ଖବର ଜଣାପଡିବା ପରେ ଆଜି ରାଉରକେଲାର ଅତିରିକ୍ତ ଏସପିଙ୍କ ନେତୃତ୍ୟରେ ଆରଟିଓ ଅଫିସରେ ଚଢାଉ ହୋଇଥିଲା ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ