ମେଳା ଦେଖି ଫେରିବା ବେଳେ ନାବାଳିକାକୁ ଗଣଦୁଷ୍କର୍ମ, 3 ଗିରଫ

ଜଣେ ନାବାଳିକା ସହ ଦୁଷ୍କର୍ମ କରିବା ମାମଲାରେ ରାଉରକେଲା ସେକ୍ଟର-7 ପୋଲିସ ଆଜି 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ରାଉରକେଲା: ପିଛା ଛାଡୁନି ଲଜ୍ଜା । ପୁଣି ପଦାକୁ ଆସିଲା ଦୁଷ୍କର୍ମ ମାମଲା । ଜଣେ ନାବାଳିକା ସହ ଦୁଷ୍କର୍ମ କରିବା ମାମଲାରେ ରାଉରକେଲା ସେକ୍ଟର-7 ପୋଲିସ ଆଜି 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକମାନେ ହେଲେ ନାରାୟଣ ନାୟକ, ଭୋଳା ଯାଦବ ଓ ଅମର ସିଂ ।

ସୂଚନା ଅନୁସାରେ, ଗତ 22 ତାରିଖରେ ଭଞ୍ଜଭବନରୁ ମେଳା ଦେଖି ଫେରିବା ସମୟରେ ନାବଳିକା ଜଣକ ଦୁଷ୍କର୍ମର ଶିକାର ହୋଇଥିଲା । ପରେ ନାବାଳିକା ଜଣକ ପୂରା ଘଟଣା ସମ୍ପର୍କରେ ଘରେ କହିବା ପରେ ଥାନାରେ ପରିବାର ପକ୍ଷରୁ ଏତଲା ଦିଆଯାଇଥିଲା ।

ଯାହାକୁ ଭିତ୍ତି କରି ପୋଲିସ 3 ଜଣଙ୍କୁ ଗିରଫ କରିଛି । ଆଜି ତିନି ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ତେବେ ପୀଡିତା ଜଣକ ଯୁବକମାନଙ୍କୁ ଜାଣିଥିବାରୁ ଏତଲା ପାଇବା ପରେ ପୋଲିସ ଏମାନଙ୍କୁ ଗିରଫ କରିବାରେ ସଫଳ ହୋଇଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ