ରାଉରକେଲା: ମହାମାରୀ କୋରୋନା ସଂକ୍ରମଣକୁ ରୋକିବାକୁ ରାଜ୍ୟ ସରକାର କୋଭିଡ କେୟାର ହୋମର ବ୍ୟବସ୍ଥା କରିଛନ୍ତି । ଯେଉଁଠି କୋରୋନା ଲକ୍ଷଣ ଦେଖାଯାଉଥିବା ମାତ୍ର ଟେଷ୍ଟ ରିପୋର୍ଟ ନେଗେଟିଭ ଆସିଥିବା ବ୍ୟକ୍ତିଙ୍କୁ ରଖାଯିବ । ମାତ୍ର ରାଉରକେଲା ମହାନଗର ନିଗମ ପକ୍ଷରୁ ଖୋଲାଯାଉଥିବା କୋଭିଡ କେୟାର ହୋମକୁ ବିରୋଧ କରିଛନ୍ତି ସ୍ଥାନୀୟ ଲୋକେ ।
କୋଭିଡ କେୟାର ହୋମକୁ ସ୍ଥାନାନ୍ତର ଦାବି କରି ବିରୋଧ
ରାଉରକେଲା ବନ୍ଧମୁଣ୍ଡାର ଫୁଲବରୀରେ ଆଚାର୍ଯ୍ୟ ହରିହର ହାଇସ୍କୁଲରେ ରାଉରକେଲା ମହାନଗର ନିଗମ ପକ୍ଷରୁ ଖୋଲାଯାଉଥିବା କୋଭିଡ କେୟାର ହୋମକୁ ସ୍ଥାନୀୟ ଲୋକମାନେ ବିରୋଧ କରୁଛନ୍ତି । ଏହା ଏକ ଜନବହୁଳ ଅଞ୍ଚଳ ହୋଇଥିବାରୁ ସଂକ୍ରମଣ ହେବାର ଆଶଙ୍କା ଅଭିଯୋଗ କରି ସ୍ଥାନୀୟଲୋକେ ଏହି କୋଭିଡ କେୟାରହୋମର ସ୍ଥାନାନ୍ତର ଦାବି କରିଛନ୍ତି ।