ରଥଯାତ୍ରା ପାଳିଲା ରାଉରକେଲା

କେଉଁଠି ମହାଆଡମ୍ବର ସହ ଖାଲି ମହିଳା ତ କେଉଁଠି ବାଧାବିଘ୍ନର ସହ ରଥଯାତ୍ରା ପାଳିଲେ ରାଉରକେଲାବାସୀ । ଆସନ୍ତାକାଲି ମଧ୍ୟ କେତେକ ସ୍ଥାନରୁ ରଥ ବାହାରିବାର ପରମ୍ପରା ରହିଛି ।

ରାଉରକେଲା: ରଥଯାତ୍ରା ଅବସରରେ ଭକ୍ତ ଭଗବାନ ଆଜି ଏକାକାର । ଆଜି ରଥଯାତ୍ରା ଅବସରରେ ରାଉରକେଲାର ବିଭିନ୍ନ ଜଗନ୍ନାଥ ମନ୍ଦିରରୁ ତିନି ଠାକୁର ରଥରେ ଗୁଣ୍ଡିଚା ମନ୍ଦିରକୁ ଯାଇଛନ୍ତି । ରଥଯାତ୍ରାରେ ଭକ୍ତମାନେ ବହୁତ ସଂଖ୍ୟାରେ ଉପସ୍ଥିତ ରହି ରଥ ଟାଣିଥିଲେ । ହେଲେ ସେକ୍ଟର-3 ଜଗନ୍ନାଥ ମନ୍ଦିରରୁ ସୁଭଦ୍ରା ରଥକୁ ମହିଳାମାନେ ଟାଣିଥିଲେ ।

ହନୁମାନ ବାଟିକା, ଉଦିତନଗର ଜଗନ୍ନାଥ ମନ୍ଦିର, ପ୍ଲାଣ୍ଟ ସାଇଟ ମନ୍ଦିର ,ପାନପୋଷ ଜଗନ୍ନାଥ ମନ୍ଦିରରେ ଭକ୍ତମାନେ ରଥଯାତ୍ରା ପାଳନ କରିଛନ୍ତି। କିନ୍ତୁ ସହର ମଧ୍ୟ ଦେଇ ଷ୍ଟେସନ ପରିସରକୁ ଯାଉଥିବା ତିନି ରଥ ଟାଣୁ ଥିବା ଭକ୍ତମାନେ ଖରାପ ରାସ୍ତା ଯୋଗୁଁ ଅସୁବିଧାର ସମ୍ମୁଖୀନ ହୋଇଥିଲେ ।

ରଥଯାତ୍ରାର ସୁପରିଚାଳନା ପାଇଁ ବହୁତ ସଂଖ୍ୟାରେ ମନ୍ଦିର କମିଟି ସଦସ୍ୟ ମାନଙ୍କ ସହିତ ବିଭିନ୍ନ ସଂଗଠନର ସଭ୍ୟମାନେ ସକ୍ରିୟ ଥିଲେ । ବହୁତ ସଂଖ୍ୟାରେ ପୋଲିସ ମୁତୟନ କରାଯାଇଥିଲା । ଆଜି ରାଉରକେଲା ସହର ସହିତ ବିଭିନ୍ନ ସ୍ଥାନରେ ରଥ ବାହାରି ଥିବାବେଳେ ଆସନ୍ତା କାଲି ମଧ୍ୟ କେତେକ ସ୍ଥାନରୁ ରଥ ବାହାରିବ। ପରମ୍ପରା ଏଠାରେ ଚାଲିଆସିଛି ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ