ଜୁଆ ଆଡ୍ଡା ଉପରେ ଚଢାଉ, 10 ଗିରଫ

ରାଉରକେଲାରେ ଜୁଆ ଆଡ୍ଡା ଉପରେ ସେକ୍ଟର 7 ପୋଲିସର ଚଢାଉ । 10 ଜଣ ଜୁଆଡି ଗିରଫ ସହ ନଗଦ ଟଙ୍କା ଓ 10ରୁ ଅଧିକ ମୋବାଇଲ ଫୋନ ଜବତ ।

ରାଉରକେଲା: ଜୁଆ ଆଡ୍ଡା ଉପରେ ଚଢାଉ କରିଛି ସ୍ଥାନୀୟ ସେକ୍ଟର 7 ପୋଲିସ । ଏଥିରେ10 ଜଣ ଜୁଆଡିଙ୍କୁ ଗିରଫ କରାଯାଇଛି । ନଗଦ ଟଙ୍କା,10ରୁ ଅଧିକ ମୋବାଇଲ ଫୋନକୁ ମଧ୍ୟ ପୋଲିସ ଜବତ କରିଛି । ବସ୍ତି ଭବନ ପଛରେ ବହୁତ ଦିନ ଧରି ଏହି ଜୁଆ ଆଡ୍ଡା ଚାଲୁ ଥିଲା । ଏନେଇ ରାଉରକେଲାର ଏସପି ଖବର ପାଇବା ପରେ ପୋଲିସ ଚଢାଉ କରିଥିଲା ।

ଇସ୍ପାତ ଷ୍ଟାଡିୟମ ସାମ୍ନାରେ ଗାଡି ଠିଆ କରି ଜୁଆ ଅଡ୍ଡାରେ ଆସର ଜମାନ୍ତି ଜୁଆଡି। ମିଳିଥିବା ସୂଚନା ଅନୁସାରେ ଝାଡ଼ ରେ ଏହି ଅଡ୍ଡା ତିଆରି କରାଯାଇଥିଲା । ବହୁତ ବର୍ଷ ଧରି ଏହା ଚାଲୁଥିଲା । ଦାମୀ ଗାଡିରେ ଜୁଆଡିମାନେ ଏହି ଆଡ୍ଡାକୁ ଆସୁଥିବାର ମଧ୍ୟ କୁହାଯାଉଛି ।

ରାଉରକେଲାରୁ ରାଜେନ୍ଦ୍ର ମିଶ୍ର, ଇଟିଭି ଭାରତ