ରାଉରକେଲା: ହୁ ହୁ ହୋଇ ବଢି ଚାଲିଛି ପିଆଜ ଦର । ଆକାଶ ଛୁଁଆ ପିଆଜ ଦର ନେଇ ଏବେ ଚିନ୍ତାରେ ଖାଉଟି । ରାଉରକେଲା ଖୋଲା ବଜାରରେ ପିଆଜ ମୂଲ୍ୟ କିଲୋ ପ୍ରତି 50 ରୁ 55 ଟଙ୍କା ହୋଇଛି । ପିଆଜ ଦେଖିବା ମାତ୍ରେ କିଣିବା ତ ଦୂରର କଥା ଗ୍ରାହକଙ୍କ ଆଖିରୁ ପାଣି ବାହାରୁଛି । ଯେଉଁମାନେ 5 କେଜି ପିଆଜ କିଣୁଥିଲେ ସେମାନେ ଏବେ ଅଧା କିଲୋ କିଣୁଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ପିଆଜ ଚାଷ ଉପରେ ରାଜ୍ୟ ସରକାର ବଡ଼ ବଡ଼ କଥା କହିଥିଲେ କିନ୍ତୁ ତାହା ବିଫଳ ହେଉଥିବା ପରିଲକ୍ଷିତ ହୋଇଛି । ଏଥିପାଇଁ ଅନ୍ୟ ରାଜ୍ୟ ଉପରେ ଓଡିଶାକୁ ନିର୍ଭର କରିବାକୁ ପଡୁଛି । ପିଆଜ ଦର କେବେ କମିବ ତାହା ନେଇ ମଧ୍ୟ ସାଧାରଣରେ ଆଲୋଚନା ଜୋର ଧରିଛି ।