ଦ୍ରୁତ ଗତି ମହାବିପତ୍ତି, ବାଇକ ଧକ୍କାରେ ଯୁବତୀ ମୃତ

ରାଉରକେଲା ବାସନ୍ତୀ କଲୋନୀ ଫ୍ଲାଇ ଓଭର ନିକଟରେ ବାଇକ ଦୁର୍ଘଟଣା । ଦ୍ରୁତ ଗତିରେ ଆସୁଥିବା ଏକ ବାଇକ ଧକ୍କାରେ ଯୁବତୀ ମୃତ । ଅଧିକ ପଢନ୍ତୁ...

ରାଉରକେଲା: ଦ୍ରୁତ ଗାଡି ଚାଳନାର ଭୟଙ୍କର ପରିଣତି । ବାଇକ ଧକ୍କାରେ ଜଣେ ଯୁବତୀ ମୃତ । ରାଉରକେଲା ବାସନ୍ତୀ କଲୋନୀ ଫ୍ଲାଇ ଓଭର ନିକଟରେ ଦୁର୍ଘଟଣା ଘଟି 21 ବର୍ଷୀୟ ପ୍ରିୟା ଗୁପ୍ତାଙ୍କ ମୃତ୍ୟୁ ଘଟିଛି ।

ବାସନ୍ତୀ କଲୋନୀ ଫ୍ଲାଇ ଓଭର ନିକଟରେ ପ୍ରିୟା ଚାଲି ଚାଲି ଯାଉଥିବା ସମୟରେ ଏକ ବାଇକ ଚାଳକ ଦ୍ରୁତ ଗତିରେ ଆସି ତାଙ୍କୁ ପଛରୁ ଧକ୍କା ଦେଇଥିଲା । ଏଥିରେ ସେ ଗୁରୁତର ଆହତ ହୋଇଥିବାବେଳେ ଚିକିତ୍ସା ପାଇଁ ଆଇଜିଏଚ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରୁ ତାଙ୍କର ସ୍ବାସ୍ଥ୍ୟବସ୍ଥା ଗୁରୁତର ହେବାରୁ କଟକକୁ ସ୍ଥାନାନ୍ତର କରାଯାଉଥିବାବେଳେ, ବାଟରେ ତାଙ୍କର ମୃତ୍ୟୁ ହୋଇଛି। ସେପଟେ, ଏଭଳି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତ୍ରୀବ ଅସନ୍ତୋଷ ଦେଖାଦେଇଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ