କୁକୁଡା ପାଇଁ ନାବାଳିକାକୁ ହତ୍ୟା

କୁକୁଡା ପାଇଁ ହତ୍ୟାକାଣ୍ଡ । ସୁନ୍ଦରଗଡ ଜିଲ୍ଲା ହାତୀବାରି ଥାନା ଅନ୍ତର୍ଗତ ଗୋପୁର କୁମ୍ଭରପଡା ଗ୍ରାମରେ ଜଣେ ନାବାଳିକା ହତ୍ୟାର ଶିକାର ହୋଇଛି ।

ରାଉରକେଲା: କୁକୁଡାକୁ ନେଇ ହତ୍ୟାକାଣ୍ଡ । ସୁନ୍ଦରଗଡ ଜିଲ୍ଲାର ହାତୀବାରି ଥାନା ଅନ୍ତର୍ଗତ ଗୋପୁର କୁମ୍ଭରପଡା ଗ୍ରାମରେ ଜଣେ ନାବାଳିକା ହତ୍ୟାର ଶିକାର ହୋଇଥିବାର ଖବର ମିଳିଛି ।

ନାବାଳିକା ରୋଶନି ଡୁଙ୍ଗଡୁଙ୍ଗ ପରିବାରର 7ଟି କୁକୁଡା ହଠାତ୍ ମରିଯିବାରୁ ପରିବାର ଲୋକେ, ପଡୋଶୀ ସମୀର ଡୁଙ୍ଗଡୁଙ୍ଗ ଏବଂ ତାଙ୍କ ପରିବାର କୁକୁଡାକୁ ବିଷ ଦେଇଥିବା ସନ୍ଦେହ କରି ଆକ୍ରମଣ କରିଥିଲେ । ଫଳରେ ସମୀରର ମୁଣ୍ଡ ଫାଟି ଯାଇଥିଲା ।

ଏହାର ପ୍ରତିଶୋଧ ନେବାକୁ ସମୀର ସୋମବାର ସନ୍ଧ୍ୟାରେ ଏକ କାଠ ଫାଳିଆରେ ରୋଶନିଙ୍କୁ ଆକ୍ରମଣ କରିଥିଲା । ଏହି ଆକ୍ରମଣରେ ରୋଶନିର ମୁଣ୍ଡରେ ଆଘାତ ଲାଗିଥିଲା । ଗୁରୁତର ରୋଶନିକୁ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ଆଜି ସକାଳେ ତାର ମୃତ୍ୟୁ ହୋଇଛି। ତେବେ ପୋଲିସ ଏ ଘଟଣାରେ ଅଭିଯୁକ୍ତ ସମୀର ଡୁଙ୍ଗଡୁଙ୍ଗକୁ ଗିରଫ କରି ତଦନ୍ତ ଜାରି ରଖିଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ