ରାଉରକେଲା: କୁଆଁରମୁଣ୍ଡା ଅଞ୍ଚଳରେ ସକାଳୁ ସକାଳୁ ଲୁଟ ଘଟଣା । ପଞ୍ଚାୟତ ପାଇଁ ଆଇସିଆଇସିଆଇ ବ୍ୟାଙ୍କରୁ ଏକ ବୋଲେରୋ ଯୋଗେ ଆସିଥିବା 12 ଲକ୍ଷ ଟଙ୍କା ଲୁଟ କରିଛନ୍ତି କିଛି ଦୁର୍ବୃତ୍ତ । ଦୁର୍ବୃତ୍ତମାନେ ଘଟଣାସ୍ଥଳରେ ପୂର୍ବରୁ ଉପସ୍ଥିତ ଥିବା ବେଳେ ବୋଲେରୋ ସେଠାରେ ପହଞ୍ଚିବା କ୍ଷଣି ସୁରକ୍ଷାକର୍ମୀଙ୍କୁ ମାରପିଟ କରିବା ସହ ଟଙ୍କା ଲୁଟି ନେଇଥିଲେ ଦୁର୍ବୃତ୍ତ ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା ଗାଡିରେ ଲକ୍ଷାଧିକ ଟଙ୍କା ରହିଥିବାରୁ ସୁରକ୍ଷା ଦାୟିତ୍ବରେ କିଛି ବନ୍ଧୁକଧାରୀ ସୁରକ୍ଷାକର୍ମୀମାନେ ରହିଥିଲେ । ହେଲେ ଦୁର୍ବୃତ୍ତମାନେ ସୁରକ୍ଷାକର୍ମୀଙ୍କ ବନ୍ଧୁକ ଭାଙ୍ଗିବା ସହ ଲୁଟ ପରେ ଫେରାର ହୋଇଯାଇଥିଲେ । ଖବର ପାଇ ବିରମିତ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏଥିସହ ଅପରାଧୀମାନଙ୍କୁ ଧରିବା ପାଇଁ ପଚରାଉଚୁରା ମଧ୍ୟ ଜାରି ରହିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
