ରାଉରକେଲା : ବାଇକରୁ ଖସିପଡି ବୃଦ୍ଧା ମୃତ । ଲହୁଣୀପଡ଼ା ଥାନା ଅନ୍ତର୍ଗତ ଟାଙ୍କଯୋଡା ଠାରେ ବାଇକରୁ ଖସି ପଡି ବୃଦ୍ଧାଙ୍କ ମୃତ୍ୟୁ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ ଲହୁଣୀପଡ଼ା ପଞ୍ଚାୟତର ଭାଗଲପୁର ଗ୍ରାମର ଦିଗାମ୍ବର ମୁଣ୍ତା ଓ ତାଙ୍କ ମାଆ ବଣାଇରୁ ବାଇକ OD14S 6678 ଯୋଗେ ନିଜ ଘର ଭାଗଲପୁରକୁ ଫେରୁଥିଲେ । ଟାଙ୍କଯୋଡା ସୋଲାର ପ୍ଲାଣ୍ଟ ନିକଟରେ ଭାରସାମ୍ୟ ହରାଇ ବାଇକରୁ ପଡିଯିବାରୁ ପଛରେ ବସିଥିବା ସମ୍ବାରି ମୁଣ୍ତା (୫୫) ଛିଟିକି ପଡିଥିଲା । ରାସ୍ତା ପାର୍ଶ୍ବରେ ପଡିଥିବା ଯୋଗୁଁ ମୁଣ୍ଡରେ ଆଘାତ ଲାଗିବାରୁ ଘଟଣା ସ୍ଥଳରେ ସମ୍ବାରି ମୁଣ୍ତାଙ୍କ ମୃତ୍ୟୁ ହୋଇଯାଇଛି ।