ରାଉରକେଲା: ବଣାଇ ଉପଖଣ୍ଡ କୋଇଡା ଥାନା ଅନ୍ତର୍ଗତ ମାଲଦା ପଞ୍ଚାୟତର ଗଣୁଆ ଗାଁରେ ଅଭାବନୀୟ ଘଟଣା ଘଟିଛି। ସ୍ତ୍ରୀକୁ ମାରିବା ପରେ ଜଣେ ବ୍ୟକ୍ତି ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକ ହେଲେ ପ୍ରଦୀପ ପେଣ୍ଠେଇ ଓ ତାଙ୍କ ସ୍ତ୍ରୀ ରେବତୀ ପେଣ୍ଠେଇ।
ସୂଚନାଯୋଗ୍ୟ, ବୁଧବାର ରାତିରେ ପ୍ରଦୀପ ଓ ତାଙ୍କ ସ୍ତ୍ରୀ ରେବତୀ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା । ଏଥିରେ ପ୍ରଦୀପ ଉତ୍ତ୍ୟକ୍ତ ହୋଇ ନିଜ ସ୍ତ୍ରୀକୁ ପିଟିପିଟି ହତ୍ୟା କରିଥିଲା। ସକାଳେ ନିଜ ସ୍ତ୍ରୀ ମରି ଯାଇଥିବା ଜାଣିବା ପରେ ସେ ଘଟଣାସମ୍ପର୍କରେ ମାଲଦା ସରପଞ୍ଚ ଦିବାକର ନାଏକଙ୍କୁ ଜଣାଇଥିଲା। ସରପଞ୍ଚ ଘଟଣା ବିଷୟରେ ଜାଣିବା ପରେ ଘଟଣାସ୍ଥଳରେ ପହଞ୍ଚି ମୃତଦେହକୁ ଦେଖିବା ପରେ ପୋଲିସକୁ ଖବର ଦେଇଥିଲେ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା