ରାଉରକେଲା NIT ପଛ ଦୋକାନରୁ ହୁକ୍କା ଜବତ

NIT ପଛରେ ବରକାନିରେ ଏକ ଫାଷ୍ଟଫୁଡ଼ ଦୋକାନରୁ ହୁକ୍କା ଜବତ କରିବା ସହିତ ବିଭିନ୍ନ ମସଲା ଜବତ କରିଛି ପୋଲିସ । ହୁକ୍କାବାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ପୋଲିସର ପ୍ରତିଶୃତି ।

ରାଉରକେଲା : NIT ପଛପଟେ ବରକାନିରେ ଥିବା ଏକ ଫାଷ୍ଟ ଫୁଡ଼ ଦୋକାନରୁ ହୁକ୍କା ଜବତ । ପୋଲିସ ଶନିବାର ରାତିରେ ଦୋକାନ ଉପରେ ଚଢାଉ କରି ହୁକ୍କା ଜବତ କରିବା ସହିତ ମାଲିକକୁ ଗିରଫ କରିଛି । ରାଉରକେଲା ନୂଆ ଏସପି କାର୍ଯ୍ୟଭାର ଗ୍ରହଣ କରିବା ପରେ ସହରରେ ଅବୈଧ ଭାବରେ ଚାଲିଥିବା ହୁକ୍କାବାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି ।

ରାଉରକେଲା ସହରରେ ବିଭିନ୍ନ ସ୍ଥାନରେ ହୁକ୍କାବାର ଚାଲିଛି । ଯୁବକ ଯୁବତୀମାନେ ଏହାର ନିଶାରେ ଆସୁଥିବା ଦେଖାଯାଇଛି । ହୁକ୍କାବାରର ନିଶାରେ କମ ବୟସର ଯୁବକ ଯୁବତୀମାନେ ପଡି ପଥଭ୍ରଷ୍ଟ ହେଉଛନ୍ତି । ହୁକ୍କା ବାର ବନ୍ଦ କରିବା ପାଇଁ ପୋଲିସ କଣ ପଦକ୍ଷେପ ନେଉଛି ତା ଉପରେ ରହିଛି ସମସ୍ତଙ୍କ ନଜର।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ