ଘରେ କଳାକନା ବୁଲାଇଲେ ଚୋର, ପୋଲିସର ତଦନ୍ତ ଜାରି

କେହିନଥିବା ବେଳେ ଚୋର ତାଲା ଭାଙ୍ଗି ଘରେ କଳାକନା ବୁଲାଇଛନ୍ତି। ଏକ ଘରୁ ଲକ୍ଷାଧିକ ଟଙ୍କାର ଚୋରି ହୋଇଥିବା ବେଳେ, ଏ ଘଟଣାର ଅନୁସନ୍ଧାନ ଜାରି ରଖିଛି ପୋଲିସ। ଅଧିକ ଖବର ପଢନ୍ତୁ...

ରାଉରକେଲା:ଦିନକୁ ଦିନ ବଢୁଛି ଚୋରଙ୍କ ଉତ୍ପାତ। ଦିନ ହେଉକି ରାତି ପୋଲିସ ଆଖିରେ ଚକମା ଦେଇ ସେମାନେ ଲିପ୍ତ ରହୁଛନ୍ତି ଚୋରି କରିବା ଭଳି ଅପରାଧରେ। ବର୍ତ୍ତମାନ ସେଭଳି ଏକ ଘଟଣା ଦେଖିବାକୁ ମିଳିଛି ରାଉରକେଲା ସେକ୍ଟର 5, ଏ-46 ଅଞ୍ଚଳରେ।

ଘରେ କେହି ନଥିଲା ବେଳେ ଚୋର ତାଲା ଭାଙ୍ଗି ଚୈତନ୍ୟ ଚରଣ ସାମଲଙ୍କ ଘରେ କଳାକନା ବୁଲାଇଛନ୍ତି। ଘରୁ ଲକ୍ଷାଧିକ ଟଙ୍କାର ଚୋରି ହୋଇଥିବା ବେଳେ ଘଟଣାର ଅନୁସନ୍ଧାନ ଜାରି ରଖିଛି ପୋଲିସ।ଚୋରି ହୋଇଥିବା ଘରର କୌଣସି ବ୍ୟକ୍ତି ସେଠାରେ ଉପସ୍ଥିତି ନାହାଁନ୍ତି। ଘରର କେହି ସଦସ୍ୟ ଫେରିବା ପରେ କଣ କଣ ଚୋରି ହୋଇଛି ତାହା ଜଣାପଡିବ। ସେକ୍ଟର ଅଞ୍ଚଳରେ ଚୋରଙ୍କ ଉତ୍ପାତ ଜାରି ରହିଛି। ପୋଲିସ ଚୋରଙ୍କ ଉପଦ୍ରବ ରୋକିବାରେ ସମ୍ପୂର୍ଣ ଭାବରେ ବିଫଳ ରହିଥିବାରୁ ଲୋକେ ନିଜ ଘର ଛାଡ଼ି ବାହାରକୁ ଯିବାକୁ ଭୟ କରୁଛନ୍ତି।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ