ରାଉରକେଲା: ବିମାନ ପରେ ଏବେ ଟ୍ରେନ ପାଲଟିଛି ସୁନାଚାଲାଣର ମାଧ୍ୟମ । ଗୁରୁବାର 12102 ହାୱଡା-ମୁମ୍ବାଇ ଜ୍ଞାନେଶ୍ବରୀ ଏକ୍ସପ୍ରେସରେ ଚଢାଉ କରି ପ୍ରାୟ 12.932 କେଜିର ସୁନା ବିସ୍କୁଟ ଜବତ କରିଛି ସେଣ୍ଟ୍ରାଲ ଏକ୍ସାଇଜ ଓ ଡିଆରଆଇ (Directorate of Revenue Intelligence) । ସେଣ୍ଟ୍ରାଲ ଏକ୍ସାଇଜ, ଡିଆରଆଇ ଏବଂ ଆରପିଏଫର ମିଳିତ ଚଢାଉରେ ଏହି ସୁନା ବିସ୍କୁଟ ଜବତ କରାଯାଇଛି । ଏଥିସହ ଘଟଣାରେ ସମ୍ପୃକ୍ତ 2 ଜଣଙ୍କୁ ଅଟକ ରଖି ପଚରା ଉଚୁରା ଜାରି ରଖିଛି ସେଣ୍ଟ୍ରାଲ ଏକ୍ସାଇଜ ଓ ଡିଆରଆଇ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନା ମୁତାବକ ଗୁରୁବାର ରାଉରକେଲା ଦେଇ ଯାଉଥିବା ହାୱଡା-ମୁମ୍ବାଇ ଜ୍ଞାନେଶ୍ବରୀ ଏକ୍ସପ୍ରେସରୁ ସୁନା ବିସ୍କୁଟ ଚାଲାଣ ହେଉଥିବା ଖବର ପାଇ ଚଢାଉ କରିଥିଲା ସେଣ୍ଟ୍ରାଲ ଏକ୍ସାଇଜ ଓ ଡିଆରଆଇ । ରାଜଗାଙ୍ଗପୁରରୁ ଝାରସୁଗୁଡା ମଧ୍ୟରେ ହୋଇଥିବା ଏହି ଚଢାଉରେ 10 ତୋଲା ଓଜନ ବିଶିଷ୍ଟ 110 ଖଣ୍ଡ ସୁନା ବିସ୍କୁଟ ଜବତ କରାଯାଇଥିଲା । ଘଟଣାରେ 2 ଜଣଙ୍କୁ ଅଟକ ରଖି ପଚରା ଉଚୁରା ଜାରି ରଖିଛି ସେଣ୍ଟ୍ରାଲ ଏକ୍ସାଇଜ ଓ ଡିଆରଆଇ ।