ରାଉରକେଲାରେ ଫାଟିଲା ଗ୍ୟାସ ସିଲିଣ୍ଡର, 2 ଆହତ

ରାଉରକେଲାରେ ଗ୍ୟାସ ସିଲିଣ୍ଡର ଫାଟି ଦୁଇ ଆହତ । ଡାକ୍ତରଖାନାରେ ଭର୍ତ୍ତି । ସେଲୁନରେ ରୋଷେଇ କରୁଥିବା ସମୟରେ ଏପରି ଅଘଟଣ ହୋଇଥିବା ସୂଚନା ।

ରାଉରକେଲା: ପାନପୋଷରେ ଗ୍ୟାସ ସିଲିଣ୍ଡର ଫାଟି ଦୁଇ ଆହତ । ସରକାରୀ ମହାବିଦ୍ୟାଳୟ ନିକଟରେ ଥିବା ସେଲୁନରେ ଫାଟିଲା ଗ୍ୟାସ ସିଲିଣ୍ଡର । ସେଲୁନ ମାଲିକ ଚନ୍ଦନ ଠାକୁର ଓ ନିକଟରେ ଥିବା ସୋଫା ଦୋକାନୀ ଗୋବିନ୍ଦ ଗୁରୁତର ଆହତ ।

ଚନ୍ଦନଙ୍କୁ ସରକାରୀ ହସ୍ପିଟାଲରେ ଚିକିତ୍ସା କରାଯାଉଥିବାବେଳେ ଗୁରୁତର ଆହତ ଗୋବିନ୍ଦଙ୍କୁ ଆଇଜିଏଚ୍‌ ସ୍ଥାନାନ୍ତର କରାଯାଇଛି । ସୂଚନା ଅନୁସାରେ, ସେଲୁନରେ ଚନ୍ଦନ ଖାଦ୍ୟପ୍ରସ୍ତୁତ କରୁଥିବା ସମୟରେ ଏପରି ଅଘଟଣ ହୋଇଥିଲା ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ