ସରପଞ୍ଚଙ୍କ ସ୍ବାମୀ ଓ ବନ୍ଧୁଙ୍କୁ ଗୁଳିମାଡ଼, କାରଣ ଅସ୍ପଷ୍ଟ

ରାଉରକେଲା ତଳସରା ଥାନା କୁରେଇ ପଞ୍ଚାୟତ ସରପଞ୍ଚଙ୍କ ସ୍ବାମୀ ହୃଦାନନ୍ଦ ବାରିକ ଏବଂ ଶିକ୍ଷକ ରଣ ସିଂଙ୍କୁ ଗୁଳିମାଡ଼ । ଗୁରୁତର ଅବସ୍ଥାରେ ସେମାନଙ୍କୁ ସୁନ୍ଦରଗଡ଼ ମେଡିକାଲରେ ଭର୍ତ୍ତି କରାଯାଇଛି ।

ରାଉରକେଲା: ତଳସରା ଥାନା କୁରେଇ ପଞ୍ଚାୟତ ସରପଞ୍ଚଙ୍କ ସ୍ବାମୀ ଏବଂ ତାଙ୍କ ଶିକ୍ଷକ ବନ୍ଧୁଙ୍କୁ ଗୁଳିମାଡ଼ ହୋଇଛି । ଗୁରୁତର ଅବସ୍ଥାରେ ସୁନ୍ଦରଗଡ଼ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା ଜାରି ରହିଛି । ସରପଞ୍ଚଙ୍କ ସ୍ବାମୀ ହୃଦାନନ୍ଦ ବାରିକ ଏବଂ ଶିକ୍ଷକ ରଣ ସିଂଙ୍କୁ ଗୁଳିମାଡ଼ ହୋଇଥିବା ସୂଚନା ମିଳିଛି । ଏହି ଗୁଳିକାଣ୍ଡର କାରଣ ଅସ୍ପଷ୍ଟ ରହିଛି ।

୩ ଜଣ ଦୁର୍ବୃତ୍ତ ବାଇକରେ ଆସି ଗୁଳିମାଡ଼ କରିଥିବା ପ୍ରତ୍ୟକ୍ଷଦର୍ଶୀ କହିଛନ୍ତି । ଗୁଳିମାଡ଼ କରିଥିବା ଯୁବକ ମୁଖା ପିନ୍ଧିଥିବାରୁ ତାଙ୍କ ପରିଚୟ ମିଳିନାହିଁ । ଘଟଣା ସମ୍ପର୍କରେ ସଦର ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚିଛି । ସେପଟେ ଗୁଳିକାଣ୍ଡର କାରଣ ଜାଣିବା ପାଇଁ ପୋଲିସ ଆହତଙ୍କ ସହିତ ତାଙ୍କ ପରିବାର ଲୋକଙ୍କୁ ପଚରାଉଚରା କରୁଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ