ରାଉରକେଲା: ସୁନା ଦୋକାନୀ ମାଲିକଙ୍କୁ ଗୁଳି କରି ହତ୍ୟା । ମେଡିକାଲ ନେବା ବାଟରେ ଉଡିଗଲା ପ୍ରାଣବାୟୁ । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ରାଉରକେଲା ଏସଟିଆଇ ଛକ ବାସନ୍ତୀ ଦୁର୍ଗା ସୁନା ଦୋକାନର ମାଲିକ ସରୋଜ ସାହୁ ତାଙ୍କ ଦୋକାନ ବନ୍ଦ କରି ଘରକୁ ଯାଉଥିବା ସମୟରେ କେତେକ ଲୁଟେରା ତାଙ୍କ ଉପରକୁ ଗୁଳି କରିଥିଲେ ।
ସୁନା ଦୋକାନୀ ମାଲିକଙ୍କୁ ଗୁଳି କରି ହତ୍ୟା ମୁର୍ମୂଷ ଅବସ୍ଥାରେ ତାଙ୍କୁ ଆଇଜିଏଚ ନେଉଥିବା ବଳେ ତାଙ୍କର ମୃତ୍ୟୁ ହୋଇଥିଲା ବୋଲି ପୋଲିସ ପକ୍ଷରୁ ସୂଚନା ମିଳିଛି। ମୃତକଙ୍କ ଘର ରାଉରକେଲାର ଗଙ୍ଗାଧରପାଲି ବୋଲି ଜଣାପଡିଛି । ସରୋଜଙ୍କର ମୃତଦେହ ଆଇଜିଏଚରେ ଥିବାବେଳେ ପୋଲିସ ତଦନ୍ତ ଆରମ୍ଭ କରିଛି । ତିନିଜଣ ଅଭିଯୁକ୍ତ ଗୋଟିଏ ମୋଟର ସାଇକେଲରେ ଆସି ଏଭଳି କାଣ୍ତ ଘଟାଇ ଫେରାର ହୋଇଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି ।
ରାଉରକେଲାରୁ ହରିହର ଦାସ ମହାପାତ୍ର, ଇଟିଭି ଭାରତ
