ମଧ୍ୟରାତ୍ରିରେ ଭୟଙ୍କର ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ପାଉଁଶ

ରାଉରକେଲା ଚ୍ୟାମ୍ବର ଅଫ କମର୍ସ କାର୍ଯ୍ୟାଳୟ ନିକଟରେ ଥିବା ପାର୍କିଂ ଅଞ୍ଚଳରେ ଅଗ୍ନିକାଣ୍ଡ। ଲକ୍ଷ ଲକ୍ଷ ଟଙ୍କାର ସାମଗ୍ରୀ ନଷ୍ଟ ହୋଇ ଯାଇଛି ।

ରାଉରକେଲା: ସହରର ଚ୍ୟାମ୍ବର ଅଫ କମର୍ସ କାର୍ଯ୍ୟାଳୟ ନିକଟରେ ଥିବା ପାର୍କିଂ ଅଞ୍ଚଳରେ ଅଗ୍ନିକାଣ୍ଡ। ନିଆଁ ବ୍ୟାପି ଯିବାରୁ ପ୍ରାୟ 3-4 ଟି ଗ୍ୟାରେଜ ତଥା ଦୋକାନ ଘର ପୋଡି ଯାଇଛି। ଏହାସହ ଲକ୍ଷ ଲକ୍ଷ ଟଙ୍କାର ସାମଗ୍ରୀ ନଷ୍ଟ ହୋଇ ଯାଇଛି ।

ଶନିବାର ରାତି 12 ଟା 40 ମିନିଟ ପାଖାପାଖି ଏହି ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡର କାରଣ ଜଣା ପଡିନଥିଲେ ମଧ୍ୟ ପ୍ରାଥମିକ ତଦନ୍ତରୁ 11 କେଭି ବିଦ୍ୟୁତ ତାର ଛିଣ୍ଡି ପଡିବାରୁ ଏହି ଭୟାବହ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।

ଘଟଣାସ୍ଥଳରେ ଦମକଳ ବାହିନୀର ଦୁଇଟି ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଥିଲା । ତଦନ୍ତ ପରେ ଅଗ୍ନିକାଣ୍ଡର ମୁଖ୍ୟ କାରଣ ସ୍ପଷ୍ଟ ହେବ ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ