ରାଉରକେଲା: ମେଡିକାଲରେ ନିଯୁକ୍ତି ପାଇଛନ୍ତି ନକଲି ଡାକ୍ତର। ଜାଲ୍ ପ୍ରମାଣପତ୍ର ଓ ଡିଗ୍ରୀ ସାର୍ଟିଫିକେଟ ଦେଖାଇ ସରକାରୀ ଚାକିରୀ ହାତେଇଛନ୍ତି । ତେବେ ଏଭଳି ସଙ୍ଗୀନ ଅଭିଯୋଗ ଆସିଛି ସୁନ୍ଦରଗଡ ଜିଲ୍ଲା ନୂଆଗାଁ ବ୍ଲକ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରୁ । ଆଜିକି 3 ବର୍ଷ ବିତିଯାଇଥିଲେ ମଧ୍ୟ ଉକ୍ତ MBBS ଡାକ୍ତର ଜଣଙ୍କ ସ୍ବାସ୍ଥ୍ୟକେନ୍ଦ୍ରରେ ସ୍ବାସ୍ଥ୍ୟସେବା ଦେଇଆସୁଛନ୍ତି ।
ସାବଧାନ ! ମେଡିକାଲଲେ ବୁଲୁଛନ୍ତି ନକଲି ଡାକ୍ତର
ଏବେ ଘଟଣାଟି ଲୋକଲୋଚନକୁ ଆସିବା ପରେ ସ୍ବାସ୍ଥ୍ୟବିଭାଗ ଖୋଳତାଡ ଆରମ୍ଭ କରିଛି। ହେଲେ ତଦନ୍ତ ଆରମ୍ଭ ହେବା ପରଠୁ ସମ୍ପୃକ୍ତ ଡାକ୍ତରଙ୍କ ପତ୍ତା ମିଳୁନାହିଁ। ଉକ୍ତ ଡାକ୍ତରଙ୍କ ସାର୍ଟିଫିକେଟକୁ ନେଇ ଭୀମସାରକୁ ଚିଠି ଲେଖିବା ସହିତ ତାଙ୍କ ପଞ୍ଜିକରଣ କେଉଁ ପରିସ୍ଥିତିରେ ବିହାର ମେଡିକାଲ କାଉନସିଲରେ କରାଯାଇଛି, ତାହାକୁ ନେଇ ତନାଘନା ଜୋରସୋର କରାଯାଇଛି । ଏପରିକି ଘଟଣାକୁ ନେଇ ଅଲ ଇଣ୍ଡିଆ ମେଡିକାଲ କାଉନସିଲ ତଥା ବିହାର ମେଡିକାଲ କାଉନସିଲକୁ ମଧ୍ୟ ଚିଠି ଲେଖାଯାଇଥିବା କୁହାଯାଉଛି ।