ରାଉରକେଲା: ଆତଙ୍କ ଖେଳାଇଛି ହାତୀ । ଗୋଟିଏ ରାତିରେ ଦୁଇ ଜଣଙ୍କୁ କଚାଡି ମାରିଲା ଦନ୍ତା । ଏଭଳି ଏକ ହୃଦୟଥରା ଘଟଣା ଦେଖିବାକୁ ମିଳିଛି ସୁନ୍ଦରଗଡ ଜିଲ୍ଲାରେ । ଗୋଟିଟାଙ୍ଗରଠାରେ ଜଣଙ୍କୁ ଓ କୁତ୍ରାଠାରେ ଅନ୍ୟ ଜଣଙ୍କୁ ଭିଡ ଭିତରୁ ଘୋଷାଡି ନେଇ ଦନ୍ତାହାତୀ ମାରିଦେଇଥିବା ଘଟଣା ଜିଲ୍ଲାରେ ଚାଞ୍ଚଲ୍ୟ ସୃଷ୍ଟି କରିଛି ।
ଭିଡ ଭିତରୁ ଘୋଷାଡି ଆଣି 2 ଜଣଙ୍କୁ କଚାଡି ମାରିଲା ଦନ୍ତା
ସୂଚନାନୁଯାୟୀ, ଗତକାଲି ରାତିରେ ଓଡ଼ଗାଁରୁ ମହମ୍ମଦ ମସୂଦ ଆଲାମ ନାମକ ବ୍ୟକ୍ତି କିଛି ଲୋକଙ୍କ ସହ ଅଟୋରେ ଫେରୁଥିଲେ । ହଠାତ ନୂଆଗାଁ ବ୍ଲକ ଗୋଟି ଟାଙ୍ଗରଠାରେ ହାତୀପଲର ସାମନା ହୋଇଥିଲେ । ହାତୀ ଦେଖି ଅଟୋ ଛାଡି ସମସ୍ତେ ଦୌଡ଼ି ପଳାଇଥିଲେ । ହେଲେ ଏକ ଦନ୍ତାହାତୀ ଦୌଡୁଥିବା ଲୋକଙ୍କ ମଧ୍ୟରୁ ମସୂଦକୁ ଆଣି କଚାଡି ମାରି ଦେଇଥିଲା । ଫଳରେ ଘଟଣାସ୍ଥଳରେ ଉତ୍ତେଜନା ଲାଗି ରହିଥିଲା । ବିରମିତ୍ରପୁର ବନବିଭାଗ ପହଞ୍ଚି ହାତୀ ଘଉଡାଇବାକୁ ଉଦ୍ୟମ କରୁଛନ୍ତି । ମୃତ ମସୂଦ ବିଶ୍ରା ଅଞ୍ଚଳର ବୋଲି ଜଣାପଡିଛି ।