ଜର୍ଜ ତିର୍କୀଙ୍କ ନେତୃତ୍ବରେ କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ

ରାଉରକେଲା କଂଗ୍ରେସ ପକ୍ଷରୁ ଏନେଇ ମଙ୍ଗଳବାର ବିକ୍ଷୋଭ ପ୍ରଦର୍ଶନ କରାଯାଇଛି । ବ୍ରହ୍ମଣୀ ଉତ୍ସବରେ ମଧ୍ୟ ଖର୍ଚ୍ଚ ହୋଇଥିବା ଅର୍ଥର ଭିଜିଲାନ୍ସ ଦାବି କରାଯାଇଛି ।

ରାଉରକେଲା: ବିଜୁ ଯୁବ ବାହିନୀରେ ବ୍ୟାପକ ଦୁର୍ନୀତି ଅଭିଯୋଗ କରି ବିକ୍ଷୋଭ ପ୍ରଦର୍ଶନ । ରାଉରକେଲା କଂଗ୍ରେସ ପକ୍ଷରୁ ଏନେଇ ମଙ୍ଗଳବାର ବିକ୍ଷୋଭ ପ୍ରଦର୍ଶନ କରାଯାଇଛି । ରାଉରକେଲା ଉନ୍ନୟନ କର୍ତ୍ତୃପକ୍ଷଙ୍କ ଅଧୀନରେ କାମ ହୋଇଥିବା ସେଣ୍ଟ୍ରାଲ ପାର୍କରେ ଲକ୍ଷଲକ୍ଷ ଟଙ୍କା ଦୁର୍ନୀତି, ରାଉରକେଲା ସ୍ମାର୍ଟସିଟିର ବିଭିନ୍ନ ପ୍ରକଳ୍ପରେ ଦୁର୍ନୀତି ହୋଇଥିବା ଅଭିଯୋଗ କରଯାଇଛି ।

ମଙ୍ଗଳବାର ରାଉରକେଲା କଂଗ୍ରେସ ପକ୍ଷରୁ ବିରମିତ୍ରପୁରର ପୂର୍ବତନ ବିଧାୟକ ଜର୍ଜ ତିର୍କୀଙ୍କ ନେତୃତ୍ବରେ ଭିଜିଲାନ୍ସ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଭିଜଲାନ୍ସ DSPଙ୍କୁ ଏନେଇ ଅଭିଯୋଗ କରାଯାଇ ମାମଲା ଦିଆଯାଇଛି ।ଏହାସହ ବ୍ରହ୍ମଣୀ ଉତ୍ସବରେ ମଧ୍ୟ ଖର୍ଚ୍ଚ ହୋଇଥିବା ଅର୍ଥର ଭିଜିଲାନ୍ସ ଦାବି କରାଯାଇଛି ।

ଜିଲ୍ଲା କଂଗ୍ରେସ ତରଫରୁ ବାରମ୍ବାର ବିକ୍ଷୋଭ ପ୍ରଦର୍ଶନ କରାଯାଇ ଏହାର ତଦନ୍ତ ଦାବି କରଯାଇଛି।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ