ସେଫ୍ଟି ଟାଙ୍କିରୁ ନାବାଳକ ମୃତଦେହ ଉଦ୍ଧାର

ରବିବାର ପାନପୋଷ ବସ୍ତିର ଅନିଷ ସାହୁ   ନାମକ ନାବାଳକର  ମୃତଦେହ ତାଙ୍କ ଘର ପାଖ  ସେଫ୍ଟଟଟାଙ୍କିରୁ ଉଦ୍ଧାର ହୋଇଛି ।

ରାଉରକେଲା: ସେଫ୍ଟି ଟାଙ୍କିରୁ ମିଳିଲା ନିଖୋଜ ନାବାଳକର ମୃତଦେହ । ରବିବାର ପାନପୋଷ ବସ୍ତିର ଅନିଷ ସାହୁ ନାମକ ନାବାଳକର ମୃତଦେହ ଘର ପାଖ ସେଫ୍ଟଟଟାଙ୍କିରୁ ଉଦ୍ଧାର ହୋଇଛି ।

ସୂଚନା ଅନୁଯାୟୀ, ରବିବାର ସକାଳୁ ଅନିଷ ନିଖୋଜ ଥିଲା । ବହୁ ଖୋଜା ଖୋଜି ପରେ ସେ ଘରକୁ ଫେରି ନଥିଲା । ପରେ ଅନିଷକୁ ତାଙ୍କ ଘର ନିକଟରେ ନିର୍ମାଣ ହେଉଥିବା ଏକ ସେଫ୍ଟି ଟାଙ୍କିରୁ ଉଦ୍ଧାର କରାଯାଇଥିଲା ।

ଏହାପରେ ତାକୁ ରାଉରକେଲା ସରକାରୀ ଡାକ୍ତରଖାନା ନିଆଯାଇଥିଲେ ମଧ୍ୟ ସେଠାରେ ଡାକ୍ତର ଅନିଷକୁ ମୃତ ଘୋଷଣା କରିଥିଲେ । ତେବେ ଏହି ଘଟଣା ନେଇ ପରିବାର ଲୋକ ରଘୁନାଥପଲ୍ଲୀ ଥାନାରେ ଏତଲା ଦେଇଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ରାଉରକେଲାରୁ ରାଜେନ୍ଦ୍ର ପ୍ରସାଦ ମିଶ୍ର, ଇଟିଭି ଭାରତ