ରାଉରକେଲା: ପୂର୍ବତନ କାଉନସିଲର ତଥା ବିଜେଡ଼ି ନେତା ବୁଲୁ ଓରଫ ଆଶେଷ ମହାନ୍ତିଙ୍କ ଉପରେ ବୋମାମାଡ । ଗୁରୁତର ଅବସ୍ଥାରେ ତାଙ୍କୁ ଆଇଜିଏଚ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସମ୍ବନ୍ଧରେ ଖବର ପାଇ ବହୁ ସଂଖ୍ୟାରେ ସମର୍ଥକ ମେଡ଼ିକାଲରେ ପହଁଚିଛନ୍ତି ।
ବିଜେଡ଼ି ନେତାଙ୍କୁ ବୋମା ମାଡ଼
ରାଉରକେଲା ବାସନ୍ତି କଲୋନୀରେ ଗୁରୁବାର ରାତି 9.30 ସମୟରେ ଦୃବୃତ୍ତ ମାନେ ଆଶେଷଙ୍କ ଉପରକୁ ବୋମା ମାଡ କରିଥିଲେ । ବୁଲୁ ବାସନ୍ତି କଲୋନୀ ସ୍ଥିତ ନିଜ ଅଫିସରୁ ବାହାରି ସ୍କୁଟି ଯୋଗେ ଯାଉଥିବା ବେଳେ ଦୁଇ ଜଣ ଯୁବକ ବାଇକରେ ଆସି ତାଙ୍କ ଉପରକୁ ବୋମା ନିକ୍ଷେପ କରିଥିଲେ । ବୁଲୁ ଗୁରୁତର ଭାବେ ଆହତ ହୋଇ ତଳେ ପଡ଼ିଗଲା ପରେ ଯୁବକ ଦ୍ବୟ ଫାଙ୍କା ଗୁଳି ଚାଳନା କରି ଫେରାର ହୋଇଯାଇଥିଲେ ।