ରାଉରକେଲା: ପୂର୍ବତନ କାଉନସିଲର ତଥା ବିଜେଡ଼ି ନେତା ବୁଲୁ ଓରଫ୍ ଅଶେଷ ମହାନ୍ତିଙ୍କ ଉପରେ ବୋମାମାଡ ଘଟଣାରେ ପୋଲିସ 3 ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି । ସହରର ଜଣେ ଜଣାଶୁଣା ବ୍ୟବସାୟୀ ତଥା ସାମାଜିକ କର୍ଯ୍ୟକର୍ତ୍ତା ସହିତ 3 ଜଣଙ୍କୁ ଅଟକ ରଖି ପୋଲିସ ପଚରା ଉଚରା କରୁଛି । ଏହାସହ ତଦନ୍ତରେ ଯେ କେହିବି ଆସିବେ ତାକୁ ପୋଲିସ ଗିରଫ କରିବ ବୋଲି ଏସପି ସୂଚନା ଦେଇଛନ୍ତି ।
ବିଜେଡ଼ି ନେତାଙ୍କୁ ବୋମାମାଡ ଘଟଣା: 3 ଅଟକ, ପଚରାଉଚରା ଜାରି
ରାଉରକେଲା ବାସନ୍ତି କଲୋନୀରେ ଗୁରୁବାର ସନ୍ଧ୍ୟା ସାଢେ ନଅଟା ସମୟରେ ଦୁର୍ବୃତ୍ତଙ୍କ ବୋମା ମାଡରେ ପୂର୍ବତନ କାଉନସିଲର ଅଶେଷ ମହାନ୍ତି ଓରଫ ବୁଲୁ ଗୁରୁତର ଆହତ ହୋଇଥିଲେ । ଶୁକ୍ରବାର ସକାଳେ ଘଟଣାର ତଦନ୍ତ ପାଇ ଫରେନସିକ୍ ଟିମ୍ ବାସନ୍ତୀ କଲୋନୀ ଯାଇଥିଲେ । ସେଠାରୁ ଏକ ଅଫୁଟା ବୋମା ଜବତ କରାଯାଇ ତାକୁ ନିଷ୍କ୍ରିୟ କରିଥିଲା ବୋମା ନିଷ୍କ୍ରିୟକାରୀ ଟିମ୍ ।