କୋରୋନା ଜନିତ ମିଥ୍ୟା ଖବର ପ୍ରଚାର କରି ଜଣେ ଯୁବକ ଗିରଫ

କୋରୋନା ଏବେ ବିଶ୍ବବ୍ୟାପୀ ଚିନ୍ତାର ବିଷୟ ପାଲିଟିଥିବା ବେଳେ ଏ ସମୟରେ କିଛି ଲୋକ କୋରୋନାକୁ ନେଇ ମିଥ୍ୟା ଖବର ପ୍ରଚାର କରୁଛନ୍ତି । ତେବେ ଏନେଇ ଫେସବୁକରେ ଗୁଜବ ପ୍ରଚାର କରି ରାଉରକେଲାରେ ଜଣେ ଯୁବକ ଗିରଫ ହୋଇଛି । ଅଧିକ ପଢନ୍ତୁ...

ରାଉରକେଲା: କୋରୋନା ଏବେ ବିଶ୍ବବ୍ୟାପୀ ଚିନ୍ତାର ବିଷୟ ପାଲିଟିଥିବା ବେଳେ ଏସମୟରେ କିଛି ଲୋକ କୋରୋନାକୁ ନେଇ ମିଥ୍ୟା ଖବର ପ୍ରଚାର କରୁଛନ୍ତି । ତେବେ ଏନେଇ ଫେସବୁକରେ ଗୁଜବ ପ୍ରଚାର କରି ରାଉରକେଲାରେ ଜଣେ ଯୁବକ ଗିରଫ ହୋଇଛି । ଗିରଫ ଯୁବକଙ୍କ ନାମ ମହମ୍ମଦ ନସିମ ଅଖତାର ଏବଂ ସେ କୁରେସି ମହଲାରେ ରହୁଥିଲା ।

ବୈଷ୍ଣବ ଦେବୀ ମନ୍ଦିରରେ 400ରୁ ଉର୍ଦ୍ଧ୍ବ ଭକ୍ତ ଫସି ରହିଛନ୍ତି ଏବଂ ସେମାନଙ୍କ ମଧ୍ୟରୁ 145 ଜଣ କରୋନା ଭାଇରସରେ ଆକ୍ରାନ୍ତ ବୋଲି ଏହି ଯୁବକ ଫେସବୁକରେ ପୋଷ୍ଟ କରିଥିଲା । ଯାହାକୁ ନେଇ ଲୋକଙ୍କ ମଧ୍ୟରେ ଆତଙ୍କର ଛାୟା ଖେଳି ଯାଇଥିଲା । ତେବେ ଏ ବାବଦରେ ଥାନାରେ ଅଭିଯୋଗ ହେବାରୁ ପୋଲିସ ଏକ ମାମଲା ରୁଜୁ କରି ନସିମକୁ ଭାରତୀୟ ପିଙ୍ଗଳ କୋଡ଼ 153A , 195A , 505 ଏବଂ IT ଆକ୍ଟରେ ପ୍ଲାଣ୍ଟ ସାଇଟ ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି । ଏହା ସହ ନସିମଙ୍କ ମୋବାଇଲକୁ ଜବତ କରିଛି ପୋଲିସ ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ