ରାଉରକେଲା: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ଆରମ୍ଭ ହେଲା ଦଲାଲ ଦମନ ଅଭିଯାନ । ଏସପିଙ୍କ ନେତୃତ୍ବରେ ରାଉରକେଲା RTO ଅଫିସ ତଥା RGHରେ ପୋଲିସର ଚଢାଉ । RTO ଅଫିସରୁ 8 ଜଣ ଦଲାଲ ଧରାପଡିଥିବା ବେଳେ RGHରୁ 4 ଜଣ ଦଲାଲ ଧରାପଡିଛନ୍ତି । ଉଦିତନଗର ପୋଲିସ ଏମାନଙ୍କୁ ଗିରଫ କରି ପଚରାଉଚରା କରୁଥିବା ଜଣାପଡିଛି ।
ତେବେ ଧରାପଡିଥିବା 8 ଜଣ ଦଲାଲଙ୍କ ମଧ୍ୟରୁ 2 ଜଣ ପୂର୍ବରୁ ଧରାପଡିଥିବା ସୂଚନା ରହିଛି । RTO କାର୍ଯ୍ୟାଳୟରେ ଗତ ମାସ 13 ଜଣ ଧରା ପଡିବା ପରେ ଦଲାଲ ଡରିଯାଇଥିଲେ। କିନ୍ତୁ ନୂଆ ମୋଟରଯାନ ଆଇନ ଆସିବା ପରେ ଏମାନେ ପୁଣି ସକ୍ରିୟ ହୋଇଉଠିଛନ୍ତି । ସେପଟେ ଯଦି ଦଲାଲମାନଙ୍କ ସାହାଯ୍ୟ ଲୋକମାନେ ନେଉ ନାହାନ୍ତି ହେଲେ ଫର୍ମ ଖଣ୍ଡେ ମିଳିବା କଷ୍ଟକର ହୋଇଯାଇଛି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ