ରାଉରକେଲା: ସୁନ୍ଦରଗଡ଼ ଜିଲ୍ଲାରେ ରବିବାର ଦିନ ଆଉ ତିନୋଟି କୋଭିଡ 19 ରୋଗୀ ଚିହ୍ନଟ ହେବା ପରେ ଜିଲ୍ଲାର କୋଭିଡ 19 ସଂକ୍ରମଣ ସଂଖ୍ୟା ଛଅରେ ପହଞ୍ଚିଛି । ଶନିବାର ଦିନ ଜଣେ ସଂକ୍ରମିତ ବ୍ୟକ୍ତି ସୁସ୍ଥ ହୋଇଥିବା ବେଳେ ପୂର୍ବରୁ ଦୁଇଜଣ ସୁସ୍ଥ ହୋଇଥିଲେ । ରବିବାର ଦିନ ନାଲା ରୋଡ଼ ଅଞ୍ଚଳର ଜଣେ ଚିହ୍ନଟ ହୋଇଥିବା ବେଳେ ବିଶ୍ରା ଅଞ୍ଚଳରେ ଦୁଇ ଜଣ ଚିହ୍ନଟ ହୋଇଛନ୍ତି ।
ସୁନ୍ଦରଗଡ଼ରେ ପୁଣି 3 କୋରୋନା ଆକ୍ରାନ୍ତ, ସଂଖ୍ୟା ଛୁଇଁଲା ଛଅ
କୋରୋନା ସଂକ୍ରମିତ ଚିହ୍ନଟ ହେବା ପରେ ସୁନ୍ଦରଗଡ଼ ଜିଲ୍ଲାପାଳ ନିଖିଲ ପବନ କଲ୍ୟାଣ, ରାଉରକେଲା ଏସପି କେ ଶିବା ସୁବ୍ରମନୀ, ଏଡିଏମ୍ ଅବୋଲି ସୁନୀଲ ନର୍ବାନେ, ରାଉରକେଲା ମହାନଗର ନିଗମ କମିଶନର ଦିବ୍ୟଜ୍ୟୋତି ପରିଡାଙ୍କ ସହ ବରିଷ୍ଠ ପ୍ରଶାସନିକ ଏବଂ ପୋଲିସ ଅଧିକାରୀ ନାଲାରୋଡ଼ ଏବଂ ବିଶ୍ରା ଅଂଚଳରେ ପହଞ୍ଚି ଉକ୍ତ ଅଞ୍ଚଳ କୁ ସିଲ କରିବାକୁ ନିର୍ଦେଶ ଦେଇଛନ୍ତି ।