ରାଉରକେଲା: ସହରରେ ବିପର୍ଯ୍ୟସ୍ତ108 ଆମ୍ବୁଲାନ୍ସ ସେବା । ଅଧା ରାସ୍ତାରେ ହନ୍ତସନ୍ତ ହେଉଛନ୍ତି ରୋଗୀ । ଏପରି ଏକ ଦୃଶ୍ୟ ଦେଖିବାକୁ ମିଳିଛି ରାଉରକେଲାର ବଣାଇ ଉପଖଣ୍ଡରେ ।
ପ୍ରହସନ ପାଲଟିଛି ଆମ୍ବୁଲାନ୍ସ ସେବା, ରୋଗୀ ହନ୍ତସନ୍ତ
କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ଭାଗିଦାରୀରେ ଚାଲିଥିବା ରାଷ୍ଟ୍ରୀୟ ଆମ୍ବୁଲାନ୍ସ ସେବା ଯୋଜନାରେ ଗତ 5 ବର୍ଷ ପୂର୍ବରୁ 108 ଆମ୍ବୁଲାନ୍ସ ସେବା ଆରମ୍ଭ କରାଯାଇଛି। ବର୍ତ୍ତମାନ ଏହି ଆମ୍ବୁଲାନ୍ସ ଗାଡି ଗୁଡିକ ପୁରୁଣା ହୋଇଯାଇ ଥିବାବେଳେ ସ୍ବାସ୍ଥ୍ୟ ବିଭାଗ ପକ୍ଷରୁ ମରାମତି କିମ୍ବା ରକ୍ଷଣାବେକ୍ଷଣରେ ଅହେତୁକ ଅବହେଳା ଦେଖିବାକୁ ମିଳୁଛି ।
ଆମ୍ବୁଲାନ୍ସ ଅଛି କିନ୍ତୁ ଏସି କାମ କରୁନି । କାହାର ଝରକା କାଚ ନାହିଁ ତ କାହାର କବାଟରେ ରସି ବନ୍ଧା ହୋଇ ଚାଲିଛି ଆମ୍ବୁଲାନ୍ସ । 108 ଆମ୍ବୁଲାନ୍ସ ସେବା ପ୍ରହସନରେ ପରିଣତ ହୋଇଛି ।