କୋଣାର୍କ: ଚନ୍ଦ୍ରଭାଗାରେ ଦ୍ବିତୀୟ କୋଣାର୍କ ମନ୍ଦିର ନିର୍ମାଣ ପାଇଁ ଦିଲ୍ଲୀର ମୁକେଶ ଜୈନ ଆରମ୍ଭ କରିଥିବା କାର୍ଯ୍ୟକୁ ନେଇ ବିବାଦ ଦେଖାଦେଇଛି । ସମ୍ପୂର୍ଣ୍ଣ ସରକାରୀ ଜାଗା ବେଆଇନ ଭାବେ ଦଖଲ କରି ଅବିକଳ କୋଣାର୍କ ମନ୍ଦିର ନିର୍ମାଣ ଆରମ୍ଭ କରାଯାଉଥିବାରୁ ଯୁବ ଅଧିବକ୍ତା ସଂଗଠନ ପକ୍ଷରୁ ଏହାକୁ ବିରୋଧ କରାଯାଇଛି । କୋଣାର୍କ ମନ୍ଦିର ନିକଟରେ ଆଉ ଏକ କୋଣାର୍କ ଭଳି ମନ୍ଦିର ନିର୍ମାଣ କରାଗଲେ ମୂଳ କୋଣାର୍କ ମନ୍ଦିରର ଗାରିମା ହ୍ରାସ ପାଇବ ବୋଲି ପୁରୀ ଯୁବ ଅଧିବକ୍ତା ସଂଘ କହିଛି ।
ଚନ୍ଦ୍ରଭାଗାରେ ଦ୍ୱିତୀୟ କୋଣାର୍କ ମନ୍ଦିର ନିର୍ମାଣକୁ ତୀବ୍ର ବିରୋଧ
ସେହିପରି କୋଣାର୍କ ମନ୍ଦିର ନିର୍ମାଣ ପଛରେ ଅନେକ ଐତିହାସିକ କାହାଣୀ ଓ ପରମ୍ପରା ରହିଛି । ଏଣୁ ନୂଆ କୋଣାର୍କ ମନ୍ଦିର ନିର୍ମାଣକୁ ତୁରନ୍ତ ବନ୍ଦ କରିବା ପାଇଁ ଯୁବ ଅଧିବକ୍ତା ସଂଗଠନ ପକ୍ଷରୁ ପୁରୀ ଜିଲ୍ଲାପାଳଙ୍କୁ ଏକ ଦାବିପତ୍ର ଦିଆଯାଇଛି । ଜିଲ୍ଲାପାଳ ଏଭଳି ଅଭିଯୋଗ ପାଇବା ପରେ ଜମିର ସ୍ଥିତାବସ୍ଥା ସମ୍ପର୍କରେ ରିପୋର୍ଟ ଦେବାକୁ ସ୍ଥାନୀୟ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି ।