ପୁରୀ:ଯୁବକଙ୍କୁ ବେଲ୍ଟରେ ନିସ୍ତୁକ ମାଡ । ମାଡମାରି ଲହୁଲୁହାଣ କଲେ କିଛି ଅମାନୁଷିକ ଯୁବକ ସୋସିଆଲ ମିଡିଆରେ ଭାଇରାଲ ହେଲା ଭିଡିଓ । ଭାଇରାଲ ଭିଡିଓଟି ପୁରୀ କଣାସ ଅଞ୍ଚଳର ହୋଇଥିବା କୁହାଯାଉଛି । ଭିଡିଓରେ ଜଣେ ଯୁବକ ଅନ୍ୟ ଜଣେ ଯୁବକଙ୍କୁ ତଳ ମୁହାଁ କରି ଧରିଥିବାବେଳେ, ଆଉ ଜଣେ ଏକ ବେଲ୍ଡରେ ତାଙ୍କୁ ମାଡ ମାରୁଥିବା ଦେଖିବାକୁ ମିଳିଛି । ବେଲ୍ଟରେ ମାଡ ମାରିବା ପରେ ପ୍ୟାଣ୍ଟ ଖୋଲି ଅନ୍ୟ କିଛି ଯୁବକ ଏକ ବାଡିରେ ମଧ୍ୟ ମାଡ ମାରୁଛନ୍ତି । ଯୁବକ ଜଣଙ୍କ ଯେତେ ନେହରୁ ହୋଇଥିଲେ ମଧ୍ୟ ଅତ୍ୟନ୍ତ ନିର୍ଦ୍ଦୟ ଭାବେ ମାଡ ମାରିଚାଲିଥିଲେ ଯୁବକ ।
ତେବେ ଯୁବକ ଜଣଙ୍କ କିଏ ଓ କେଉଁ ସମୟରେ ଭିଡିଓ ଉତ୍ତେଳନ କରାଯାଇଥିବା ସେନେଇ କିଛି ସ୍ପଷ୍ଟ ସୂଚନା ହସ୍ତଗତ ହୋଇନାହିଁ । କେଉଁକାରଣକୁ କେନ୍ଦ୍ର କରି ଯୁବକଙ୍କୁ ଏଭଳି ଅମାନୁଷିକ ଭାବେ ମାଡ ମାରୁଥିଲେ କିଛି ଯୁବକ, ତାର କାରଣ ମଧ୍ୟ ଜଣାପଡିନାହିଁ । ଭିଡିଓରେ ମାଡ ମାରୁଥିବା ଯୁବକ କେଉଁ ଝିଅ ବିଷୟରେ କହୁଥିବା ଶୁଣିବାକୁ ମିଳିଛି କିନ୍ତୁ ପ୍ରକୃତ କାରଣ ଜଣାପଡିନାହିଁ । ଯୁବକଙ୍କ ଏଭଳି ବର୍ବରତା କାର୍ଯ୍ୟକୁ ସୋସିଆଲ ମିଡିଆରେ ନିନ୍ଦା କରାଯାଇଥିବାବେଳେ, ପୋଲିସ ଏହା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ମତପ୍ରକାଶ ପାଇଛି ।