ପୁରୀ: ପୁଣି ଚର୍ଚ୍ଚାରେ ଯାତ୍ରା ନାୟିକା ରାନୀ ପଣ୍ଡା । ବଡ ଦାଣ୍ଡରେ ବସିଛନ୍ତି ଓଡିଶୀ ନୃତ୍ୟାଙ୍ଗନା ବେଶରେ । ତେବେ ବଡଦାଣ୍ଡରେ କୌଣସି ନୃତ୍ୟ ପରିବେଷଣ କରିବାକୁ ନୁହେଁ, ବରଂ ମହାପ୍ରଭୁ ଶ୍ରୀଜଗନ୍ନାଥଙ୍କ ବିରୋଧରେ ଅପଶବ୍ଦ ବ୍ୟବହାର କରିଥିବା ଯୁବକ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରି ଏଭଳି ଢଙ୍ଗରେ ରାନୀ ପ୍ରତିବାଦ କରିଥିବା ଦେଖିବାକୁ ମିଳିଛି ।
କାର୍ଯ୍ୟାନୁଷ୍ଠାନ ଦାବିରେ ବଡଦାଣ୍ଡରେ ରାଣୀ ପଣ୍ଡାଙ୍କ ଧାରଣା, କହିଲେ ନ ହେଲେ ଦେଖିବ ଉଗ୍ରରୂପ
କେନ୍ଦ୍ରାପଡା ରାଜକନିକା ଅଞ୍ଚଳର ଦିଲ୍ଲୀପ ବିନ୍ଧାଣି ନାମକ ଜଣେ ଯୁବକ ମହାପ୍ରଭୁ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ଅପଶବ୍ଦ ବ୍ୟବହାର କରିଥିଲେ । ଏହା ଅଭିଯୋଗରେ ଗତ ୨୩ ତାରିଖ ଦିନ ସିଂହଦ୍ଵାର ଥାନାରେ ଯାତ୍ରା ନାୟିକା ରାଣୀ ପଣ୍ଡା ଏତଲା ଦେଇଥିଲେ । ଥାନାରେ ମାମଲା ମଧ୍ୟ ରୁଜୁ ହୋଇଥିଲା। କିନ୍ତୁ ଆଜି ଯାଏଁ ପୋଲିସ କୌଣସି ଆଖି ଦୃଶିଆ ପଦକ୍ଷେପ ନ ନେବାରୁ ପୁନର୍ବାର ରାଣୀପଣ୍ଡା ଆଜି ଓଡିଶୀ ନୃତ୍ୟାଙ୍ଗନା ବେଶରେ ଶ୍ରୀମନ୍ଦିର ନିକଟରେ ପହଞ୍ଚିଛନ୍ତି ।