ପୁରୀ: ଜମିବାଡ଼ି ବିବାଦକୁ କେନ୍ଦ୍ରକରି ପୁରୀରେ ଗୁଳିମାଡ଼ ସାଙ୍ଗକୁ ମରଣାନ୍ତକ ଆକ୍ରମଣ । ଗତକାଲି ବିଳମ୍ବିତ ରାତିରେ କୁମ୍ଭାରପଡା ନରେନ୍ଦ୍ରକୋଣ ଆଇଟିଆଇ ଛକଠାରେ ଏହି ଗୁଳିମାଡ ହୋଇଛି । ଏଥିରେ ଜଣେ ମହିଳାଙ୍କ ଦେହରେ ଗୁଳି ବାଜିଛି । ମହିଳା ଜଣଙ୍କ ଗୁରୁତର ଆହତ ହୋଇ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ପରେ ତାଙ୍କୁ କଟକ SCB ମେଡିକାଲରେ ଭର୍ତ୍ତି କରାଯାଇଛି । ଗୁରୁତର ମହିଳା ହେଉଛନ୍ତି ଶକୁନ୍ତଳା ସାହୁ ।
ଦାଦାଵଟିକୁ ନେଇ ଗୁଳିମାଡ, ମହିଳା ଗୁରୁତର
ବିଜୁ ବେହେରା ନାମକ ଜଣେ ଯୁବକ ଜମିବାଡି ବିବାଦକୁ କେନ୍ଦ୍ର କରି ମହିଳାଙ୍କୁ ଗୁଳିମାଡ କରିଥିବା ଜଣାପଡିଛି । କୁମ୍ଭାରପଡା ଥାନା ପୋଲିସ ଘଟଣାସ୍ଥଳରେ ପହଁଚି ଅଧିକ ତଦନ୍ତ ଚଳାଇଛି । କେବେଳ ଏତିକି ନୁହେଁ, ଗୁଳିମାଡ଼ କରିଥିବା ଅଭିଯୁକ୍ତ ବିଜୁ ନିଜ ସମ୍ପର୍କୀୟ ମାଉସୀ ଓ ତାଙ୍କ ପୁଅକୁ ମଧ୍ୟ ଧାରୁଆ ଅସ୍ତ୍ରରେ ହାଣି ଦେଇଥିବା ଜଣାପଡିଛି । ଆକ୍ରମଣର ଶିକାର ହୋଇଥିବା ମହିଳା ଟୁନି ବେହେରା ଓ ତାଙ୍କ ପୁଅ କାର୍ତ୍ତିକ ବେହେରା ଗୁରୁତର ଅବସ୍ଥାରେ ପୁରୀ ମେଡିକାଲରେ ଭର୍ତ୍ତି ହୋଇଛନ୍ତି ।