ପୁରୀ:ମହାପ୍ରଭୁଙ୍କ ଆଜ୍ଞା ମାଳ ବିଜେ ପରେ ତିନି ରଥର ଦକ୍ଷିଣ ମୋଡ଼ କାର୍ଯ୍ୟ ଶେଷ ହୋଇଛି । ଗୁଣ୍ଡିଚା ମନ୍ଦିର ସିଂହଦ୍ବାରରେ ଥିବା ତିନି ରଥକୁ ପୋଲିସ କର୍ମଚାରୀ, ସେବାୟତ ମାନେ ଦକ୍ଷିଣ ମୋଡ଼ କରିଛନ୍ତି । ତିନି ରଥକୁ ଗୁଣ୍ଡିଚା ମନ୍ଦିରର ନାକଚଣା ଦ୍ବାର ସମନାରେ ରଖାଯାଇଛି।
ଦକ୍ଷିଣ ମୋଡ଼ ପରେ ନାକଚଣା ଦ୍ବାରରେ ତିନିରଥ ପରମ୍ପରା ଅନୁଯାୟୀ ପ୍ରଥମେ ଦେବୀ ସୁଭଦ୍ରାଙ୍କ ରଥ ଦକ୍ଷିଣ ମୋଡ଼ ହୋଇଛି। ପରେ ବଡ଼ବାଡ଼ର ଠାକୁର ବଳଭଦ୍ର ଓ କଳା ସାଆନ୍ତେଙ୍କ ରଥକୁ ଦକ୍ଷିଣ ମୋଡ଼ କରାଯାଇଛି । ସେପଟେ ରଥରେ ଥିବା ବିଭିନ୍ନ ମରାମତି କାର୍ଯ୍ୟ ସମ୍ପୂର୍ଣ୍ଣ ଶେଷ ହୋଇଛି। ରଥ ବାହୁଡା ଯାତ୍ରା ପାଇଁ ପ୍ରସ୍ତୁତ ଥିବା ରଥ ତତ୍ବାବଧାରକ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
