ଏମାର ମଠ ଉଚ୍ଛେଦ, ଅନ୍ଧାରୀ ସୁଡଙ୍ଗକୁ ନେଇ ଚର୍ଚ୍ଚା

ରହସ୍ୟ ଘେରରେ ଏମାର ମଠର ଭୂତଳ ଘର। ଯାହାକୁ ନେଇ ଚର୍ଚ୍ଚା ଜୋର ଧରିଛି । କେହି ଏହାକୁ ଭୂତଳ କୋଠା କହୁଥିବା ବେଳେ କେହି ଏହାକୁ ସୁଡଙ୍ଗ ବୋଲି କହୁଛନ୍ତି ।

ପୁରୀ: ସହରରେ ଚାଲିଛି ଏମାର ମଠର ଉଛେଦ ପ୍ରକ୍ରିୟା । ଏହି କ୍ରମରେ ମାଟି ତଳେ ଏକ ଭୂତଳ ଘର ଠାବ ହୋଇଛି। ଯାହାକୁ ନେଇ ଚର୍ଚ୍ଚା ଜୋର ଧରିଛି। କେହି ଏହାକୁ ଭୂତଳ କୋଠା କହୁଥିବା ବେଳେ କେହି ଏହାକୁ ସୁଡଙ୍ଗ ବୋଲି କହୁଛନ୍ତି। ଏହା ଭିତରେ ବହୁ ଦୁର୍ଲଭ ପଦାର୍ଥ ସୁନା , ହୀରା , ମୋତି, ମାଣିକ ଥିବା ଲୋକେ ସନ୍ଦେହ କରୁଛନ୍ତି ।

ସୂଚନା ଅନୁସାରେ, 2011 ମସିହାରେ ଏହି ଏମାର ମଠ ଉଚ୍ଛେଦ ବେଳେ ବହୁ ପରିମାଣର ରୁପା ଇଟା ବାହାରିଥିଲା । ଯାହାର ହାରାହାରି ମୂଲ୍ୟ 90 କୋଟି ବୋଲି ଜଣାପଡିଥିଲା । ପୂର୍ବରୁ ଏମାର ମଠ ସାରା ରାଜ୍ୟରେ ସବୁଠୁ ଧନୀ ମଠ ଭାବେ ପରିଗଣିତ ଥିଲା ବୋଲି ସୂଚନା ମିଳିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ